Sawltak 14:21 - Tedim Bible

²¹ Amaute in tua khua sungah Lungdamna Thu a hilh uh a, tampitak nungzuite a suaksak khit uh ciangin Listra khua, Ikonium khua leh Antiok khua-ah ciahkik-in, nungzuite a lungkipsak uh a,

Tedim Bible Revision 2017

²¹ Paul le Barnabas in Derbe khua ah Lungdamna Thu hilh uh a, mi tampi in Pasian a um uh hi. Tua lai panin kilehkikin Lystra khua, Ikonium khua le Pisidia gam a om Antiok khua ah a pai uh hi.

Sawltak 14:21 Referans Kwoze

Sawltak 14:19

Ahih hangin Antiok khua leh Ikonium khua panin Judah mite hong pai uh a, mihonte a hansuah khit uh ciangin Paul suang tawh a deng uh a, a si khin ta hi ci-in khua nawlah a kaikhia uh hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Sawltak 13:51

Ahih hangin amaute in a khepeek tungah leivui amau langkhatah sin’ khiatin, Ikonium khua-ah a pai uh hi.

2 TIMOTI NIHNA 3:11

Antiok khua, Ikonium khua leh Listra khuate-ah ka thuak gimna na thei hi. Tua thu khempeuhte pan Topa in kei hong gumkhia hi.

Sawltak 14:6

amaute in a theihkholh uh ciangin Likaonia khua, Listra khua leh Derbe khua akipan,

Sawltak 13:14

Amaute in Perga gam a paisuak uh a, Pisidia gam sung Antiok khua-ah a tung uh a, Nipi ni-in kikhopna inn sungah tumin, a tu uh hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Sawltak 16:2

A pa ahih leh, Grik mi ahi hi. Tua pa in Listra khua leh Ikonium khua-ah a om ute naute kiangah maipha a ngah mi ahi hi.

Sawltak 15:36

Ni tampi khit ciangin Paul in, “Eite in Topa’ thu i hilhnasa khuate-ah a om u leh naute bang ci-a om uh hiam ci-in en dingin paikik ni,” ci-in Barnabas kiangah a gen hi.

Sawltak 14:8

Listra khua-ah a nu gil sung pan a khe zaw a, khatvei beek lam pai ngei lo thahat lo mi khat in tu-in a om hi.

Sawltak 2:47

Mi khempeuh mai-ah maipha a ngah uh hi. Gupna a ngah mite zong ni simin Pasian in a kibehlapsak hi.

Sawltak 14:7

tua khua kim gamah a tai uh a, tua gamah Lungdamna Thu a hilh uh hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.