Sawltak 14:19 - Tedim Bible

¹⁹ Ahih hangin Antiok khua leh Ikonium khua panin Judah mite hong pai uh a, mihonte a hansuah khit uh ciangin Paul suang tawh a deng uh a, a si khin ta hi ci-in khua nawlah a kaikhia uh hi.

Tedim Bible Revision 2017

¹⁹ Ahi zongin Pisidia gam a om Antiok khua le Ikonium khua panin Jew mite hong pai uh a, mihonte hong holhthawh gawpin suang tawh Paul deng gawp uh a, si khin hi, ci-in ngaihsun uh ahih manin khua nawl ah a kai khia uh hi.

Sawltak 14:19 Referans Kwoze

2 TIMOTI NIHNA 3:11

Antiok khua, Ikonium khua leh Listra khuate-ah ka thuak gimna na thei hi. Tua thu khempeuhte pan Topa in kei hong gumkhia hi.

2 KORIN NIHNA 11:25

Thum vei dongin ciing pum tawh satna ahi zongin, khat vei suang tawh den’na ahi zongin ka thuak zo hi. Thum vei dong teembaw siatna ka thuak zo hi. Sun khat leh zan khat tawntung tuipi sungah ka om zo hi.

Sawltak 14:5

Gentailte leh Judahte in upate tawh bawlsia uh a, suang tawh a deng dingin nakpi-in a delh ding uh,

Sawltak 13:45

Ahih hangin Judah mite in mihonpi a muh uh ciangin haza uh a, Paul’ thuhilhna a gensia uh hi.

2 KORIN NIHNA 11:23

Amaute in Khazih’ nasemte ahi uh hiam? Kei in zong ka hizaw hi ci-in mihai bangin ka gen hi. Gim mahmaha nasem zaw mi, thong sungah khiatna a thuakzaw mi, satna tupna kisim zo lo a thuak mi, sihna ding tawh tam veipi kituak ka hi hi.

Sawltak 7:58

khua nawlah a hawlkhiat khit uh ciangin suang tawh a deeng uh hi. Teci a pangte in a puan uh Saul kici tangvalpa khat khe kiangah a koih uh hi.

1 KORIN MASA 15:31

Ute naute aw, keimah in nisimin sihna ka thuak hi ci-in i Topa Zeisu Khazih sungah note hangin kisathei-in, lungdamin ka hong gen nuam hi.

Sawltak 17:13

Ahih hangin Paul in Berea khua-ah Pasian’ thu a hilh thu Thesalonika khua Judah mite in a zak uh ciangin, Berea khua-ah hong pai uh a, mihonpi a hansuah khit uh ciangin, a nawngkai sak uh hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

Sawltak 22:20

Nangma teci Stefen’ si a kibuak lai takin, a kiangah ding-in ka thukim tham loin, a that mite’ puan ka cing hi,’ ci-in ka gen ciangin,

Sawltak 14:21

Amaute in tua khua sungah Lungdamna Thu a hilh uh a, tampitak nungzuite a suaksak khit uh ciangin Listra khua, Ikonium khua leh Antiok khua-ah ciahkik-in, nungzuite a lungkipsak uh a,

Jeremiah 22:19

La si kivui bang lelin amah a kivui ding a, Jerusalem kongpi pua lamah kikai tal-in kipaai ding hi.

Sawltak 13:14

Amaute in Perga gam a paisuak uh a, Pisidia gam sung Antiok khua-ah a tung uh a, Nipi ni-in kikhopna inn sungah tumin, a tu uh hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Sawltak 14:2

Thu-um lo Judah mite in unaute a huat bawlna dingun Gentailte a hansuah uh hi.

Sawltak 14:4

Khua sung mi honpite a kikhen uh a, kimkhat in Judah mite lamah, kimkhat in sawltakte lamah a kipawl uh hi.

Sawltak 14:18

Tua thu tawh mi honpite in a biak loh nadingun haksapi-in a kham uh hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.

Sawltak 15:26

Barnabas leh Paul tawh ka teel uh mite, note kiangah kong pai khawmsak nading uh ka ki-awi uh hi.

2 KORIN NIHNA 11:26

Tam veipi thuhilhin ka zin hi, gun galkah kihtakna, mi suamte kihtakna, ka mi pawlte’ hong bawlsiatna launa, Gentailte’ bawlsiatna launa, khuapi sungah a tung launa, gam lakah a tung launa, tuipi launa, u leh nau banga kibawl mite’ bawlsiatna launa, hih gimna khempeuh ka thuak zo hi.

1 THESALONIKA MASA 2:14

Bang hang hiam na cih uh leh, Judah gamah Khazih Zeisu sungah a om pawlpite in Judah mite’ khut tung pan gimna a thuak uh bangin, ute naute aw, note in zong na mipawlte khut sung uh ah tua bangin na thuak uh ahih ciangin, Judah gamah a om pawlpite bangin a gamta mi na hi uh hi.