Sawltak 14:17 - Tedim Bible

¹⁷ Ahih hangin tecipan’na om loin amahmah a kinusia kei hi; amah in ama gitna hong lakin, vantung pan guahtui leh amau hun ciat a, a gah an hong pia hi; amah in an tampi hong pia-in na lungtang uh lungnopna tawh hong dimsak hi,” a ci hi.

Tedim Bible Revision 2017

¹⁷ Ahi zongin amah in a bangci Pasian hiam cih hong lahna-in mite adingin na hoih nono a hong pia hi. Amah in van panin guah hong zusakin, a hunhunin anlak hun ding hong tungsak hi. Amah in noteʼ nek ding an hong pia a, lungdamin a hong omsak hi,” a ci uh hi.

Sawltak 14:17 Referans Kwoze

Joel 2:23

“Zion mite aw, kipak un la, Topa, na Pasian uh tungah lungdam un. Note in an na hauh theih nadingun, ni danga bangin khuapi guah, tuk guah leh phalbi guah, a hoih bek hong zusak hi.

JOB (Job) 5:10

Amah in leitungah guah zusak a, lo khempeuh tui a buak hi.

Thu-hilhkikna 11:14

na an leh na leenggahzu leh na sathau uh na kaihkhop theih dingun amah in guah masa leh guah nunung, a hunin na leitang uh adingin guah hong zusak ding hi.

Isaiah 5:6

Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

Ezekiel 34:26

Amaute thupha pia-in ka mual siangtho kiim-ah ka om sak ding hi. A kisap hun hunin thupha guahtui ka zusak ding hi.

Jeremiah 5:24

A lungsim sung uhah, ‘A hun-a guah hong zusak a, tukguah khalguah hong pia a, anlak hun ding a hong sehsak den, Topa i Pasian zaktak ni,’ a ci kei uh hi.

Late 145:9

Topa pen mi khempeuh tungah hoih a, ama bawlsate khempeuh tungah ama hehpihna om hi.

Thu-hilhkikna 28:12

Note leitangah ama hunin guah a zusak ding leh na sepna khempeuh uh thupha a pia dingin Topa in a na hoih kholna vantung note adingin phal takin hong hon’ ding hi; note in minam tampite tungah leitawi na pia ding uh a, ahih hangin note in leitawi na la kei ding uh hi.

Siampi Laibu 26:4

keimah in note guahtui amau’ hunin kong pia ding a, leitang in ama gahte hong piangsakin, lo-a kungte in amau’ gah gah ding uh hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Jeremiah 14:22

Gamdang pasian zuaute lakah guahzu sak thei khat beek a om hiam? Ahih kei leh vantung in ama’ thu-in guahzu tawmsak thei ahi hiam? Tua bang a hih thei nang bek hilo na hi hiam? Topa kote’ Pasian aw, Nangmah in tuate khempeuh hih na hih manin nang sungah lametna kong nei uh hi.

Late 52:1

Mi thahatpa aw, bang hangin miphate suksiatna-ah kiphasak na hi hiam? Sunthapai-in nang in suksiatna na ngaihsun hi.

JOB (Job) 37:6

Amah in leitungah vuk a khia dingin sawl a, guah tampi tak a zu sak hi.

Nehemiah 9:25

Tua hi a, amaute in kulh nei khuapite leh gam hoihte la uh a, na hoih tampi tawh a kidim innte, suang kikhuak tuibeemte, leenggui lote, oliv lote, leh nek theih singgah kung tampi luah uh hi; amaute in tuate ne-in gilvahin thau uh a, nangma hoihna hangin nuamsa mahmah uh hi.

1 KUMPI MASATE 18:1

Ni tampi khit a kum thumna kumin Elijah tungah Topa’ thu hong tung a, “Pai in, Ahab kiangah nangmah kilak in; tua ciangin keimah in leitungah guah ka zusak ding hi,” a ci hi.

Mattiu 5:45

Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Isaiah 22:13

ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

JOB (Job) 36:31

Amah in hih bang lam tawh mihingte hong vak a, annek ding tampi hong pia hi.

Late 4:7

Amaute in an leh leenggahtui a hauh cianga a nuam uh sangin nuamna lianzaw ka lung sungah nong guan hi.

Isaiah 40:21

Note in thei nai lo na hi uh hiam? Note in za nai lo na hi uh hiam? A kipat cilin note tungah hong kigen khin hilo ahi hiam? Leitung a pian’ akipan thei khinta hilo na hi uh hiam?

Sawltak 14:18

Tua thu tawh mi honpite in a biak loh nadingun haksapi-in a kham uh hi.

Sawltak 17:26

Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.