Sawltak 14:15 - Tedim Bible

¹⁵ “Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Tedim Bible Revision 2017

¹⁵ “Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai ah a hong om ka hi uh hi.

Sawltak 14:15 Referans Kwoze

Jeim 5:17

Elijah in eite bangin leitung mi bek a hi napi-in guah zuk loh nading nakpi-in thu a nget ciangin kumthum leh khaguk tawntung leitungah guah a zu kei hi.

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

Sawltak 10:26

Piter in amah phongto a, “Tho in. Keimah zong mi ka hi hi,” a ci hi.

1 SAMUEL MASA 12:21

meetna hong pia thei lote ahi a, hong hon thei lo a mawkna nate lamah ahi zongin pial kei un; bang hang hiam cih leh tuate in a mawkna ahi hi.

Mangmuhna 14:7

Tua vantungmi in, “Pasian kihta un la, a vangliatna phat un. Bang hang hiam na cih uh leh, a thukhen ding hun a tungzo hi. Vantung, leitung, tuipi leh cikte a piangsakpa na bia un,” ci-in nakpi-in kiko-in a gen hi.

Jeremiah 14:22

Gamdang pasian zuaute lakah guahzu sak thei khat beek a om hiam? Ahih kei leh vantung in ama’ thu-in guahzu tawmsak thei ahi hiam? Tua bang a hih thei nang bek hilo na hi hiam? Topa kote’ Pasian aw, Nangmah in tuate khempeuh hih na hih manin nang sungah lametna kong nei uh hi.

Piancilna 1:1

A kipat cil-in Pasian in vantung leh leitung a piangsak hi.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

Efesa 4:17

Tua ahih ciangin Gentailte in a lungsim kiphatsakna uh tawh a gamtat bangun note in na gamtat nawn loh nadingun Topa’ deihna bangin thuumin kong hanthawn hi.

Jonah 2:8

Kiman’na nei lo milim a biate in nangmah hong tai san uh hi.

Thu-hilhkikna 32:21

Amaute in pasian a hilote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a gentaak lote tawh amaute’ hazat theih nading ka bawl ding hi. A hai minam khat tawh amaute ka hehsak ding hi.

Sawltak 4:24

Tua mite in a zak uh ciangin lungsim kikhatin, Pasian kiangah kiko-in, “Vantung leh leitung, tuipi leh tuipi sungah a om khempeuh a Bawlpa, Topa aw,

Mattiu 16:16

Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Late 31:6

Mawkna milim a thupi ngaihsutte na mudah hi; ahih hangin ke’n Topa ka muang hi.

Paikhiatna 20:11

bang hang hiam cih leh a ni guk sung tengin Topa in van leh lei, tuipi leh tuate' sunga om khempeuh bawl a, a ni sagih ni tawlnga hi; tua ahih ciangin Topa in sabbath ni thupha pia-in siangthosak hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Sawltak 14:21

Amaute in tua khua sungah Lungdamna Thu a hilh uh a, tampitak nungzuite a suaksak khit uh ciangin Listra khua, Ikonium khua leh Antiok khua-ah ciahkik-in, nungzuite a lungkipsak uh a,

Johan 7:18

Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

Zekhariah 12:1

Vanpi zalin, leitung piangsak a, mihingte tungah nuntakna a pia Topa in Israel mite tawh kisai-in thu gen a,

Jeremiah 10:8

A mi pilte uh mihai mimawl ahi uh hi; sing milim in amaute bangci hilh theih mah ding ahi hiam?

Jeremiah 8:19

Ngai un, gamsung mun khempeuh panin ka mite’ tanute kap uh hi: “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawng kik a, “Bang hangin a milim bawl tawmte uh leh a gamdang milimte uh tawh kei hong hehsak uh ahi hiam?” a ci hi.

Isaiah 46:7

Amaute in tua pasian pen a liangko tung uhah ngato-in pua uh a, ama om nading munah amaute in koih a, tua lai-ah om niloh hi; ama omna panin amah kinkhia thei lo hi. Mi khatpeuh in amah sam leh amah in dawng thei lo a, ama lungkhamna panin zong honkhia thei lo hi.

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Isaiah 45:18

Vantungte a piangsakpa (amah Pasian!) leitung piangsakin a bawlpa (a kipsakpa; a awngthawl dingin bawl loin, teen’ nading a, leitung a piangsakpa!) Topa in hih bangin ci hi: “Keimah in Topa ka hi a, kuamah dang om lo hi.

Late 124:8

Van leh lei a bawl Topa’ tung panin eite hong kihuhna hong pai hi.

Late 33:6

Topa’ kampauna tawh vantung piang a, ama kam pan-a husan’na tawh vantung nate a piang hi.

Thu-hilhkikna 5:26

Bang hang hiam cih leh a si thei mihing khempeuh sung panin eite’ zak bangin mei sung panin a nungta Pasian a paukhiatna awging za-in, a nungta lai kua om ahi hiam?

Mangmuhna 22:9

vantungmi in, “Kei hong bia kei in! Kei in nanga kipan na u na nau na sanggam kamsangte tawh ahi zongin, hih laibu-ah a om thute a zui mite tawh ahi zongin a sila ka hi khawm hi. Pasian bia in,” hong ci hi.

Mangmuhna 19:19

Tua lai takin sahang-a kipan leitung kumpite leh amau galkapte in sakol tungah tuang mi akipan, galkapte tawh kigaldo dingun a kikhawm uh ka muh khit ciangin,

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

Sawltak 27:25

Tua ahih ciangin tote aw, lungnuamin om un. Bang hang hiam na cih uh leh, kei tungah thu hong piak bang ahih ding Pasian suangin ka om hi.

Sawltak 27:21

Amaute in an ne loin, sawt veipi a om khit uh ciangin Paul in amaute laizangah ding-in “Tote aw, ka thu na ngaih uh leh, Krete gam panin pai loin na om le-uhcin, hih kisiatna tawh na kipelh ding uh hi.

Sawltak 27:10

“Tote aw, tuipi galkah leng teembaw leh vante tham loin, eite nuntakna zong kisia ding hi ci-in ka thei hi,” ci-in kikep nading thu a hilh hi.

Sawltak 16:30

Amah in amaute inn pua-ah a paipih khit ciangin, “Tote aw, gupna ngah nadingin bang ka hih ding hiam?” ci-in a dong hi.

Sawltak 14:7

tua khua kim gamah a tai uh a, tua gamah Lungdamna Thu a hilh uh hi.

Sawltak 13:32

‘Ka tapa na hi hi. Tu ni-in na Pa ka suak hi,’ ci-in Late Lai Siangtho Nambat nihna sungah a kigelhkholh mah bangin Pasian in Zeisu nungtakik sak a, i pu i pate kiangah a piak kiciamna ei a tate tungah hong tung sak hi ci-in Lungdamna Thu nomau kiangah kong paipih uh hi.

Sawltak 7:26

Zingsang ciangin amau kiangah pai a, “Lawmte aw, u leh nau hi napi-in bang hangin khat leh khat na kibawlsia uh hiam?’ ci-in kilemna thu a gen hi.

Johan 5:26

Bang hang hiam na cih uh leh, Pa in a sungah nuntakna a neih bangin, Tapa in zong a sungah nuntakna a neih nadingin thu a pia zo hi.

Amos 2:4

Topa in hih bangin ci hi: Judah mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

2 KUMPI NIHNATE 19:16

Topa aw, na bil hong ngat in la, hong za in; Topa aw, na mitte hong hak in la, hong mu in; tua ciangin a nungta Pasian a zahkona dingin a hong khak Sennakherib’ thute za in.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.

1 KUMPI MASATE 16:26

Bang hang hiam cih leh Nebat’ tapa Jeroboam’ lampi khempeuh, leh Israel a khialhsakna khialhnate, a milimte uh tawh Israel Pasian, Topa a hehsakna uh zui hi.

1 SAMUEL MASA 17:36

Na nasempa in humpinelkai leh vomte that khin ngei hi; amah in a nungta Pasian' galkapte ninsak ahih manin dawibia hih Filistiapa in tuate khat tawh kibang ding hi,” a ci hi.

1 SAMUEL MASA 17:26

David in ama kianga ding mite kiangah, “Hih Filistiapa that-in Israelte tung panin hih mindaina a beisakpa adingin bang kihih ding ahi hiam? Amah in a nungta Pasian’ galkapte a to dingin hih dawibia Filistiapa in kua ahi hiam?” a ci hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi, amah in pel loin note mai panin Kanaan mite, Hit mite, Hiv mite, Perez mite, Girgash mite, Amor mite, leh Jebus mite hawlkhia ding hi.

Piancilna 41:16

Josef in Faro dawngin, “Tua in kei' sungah om lo hi; Pasian in Faro' tungah a hoih lamin dawn’na hong pia ding hi,” ci hi.

Late 115:15

Van leh lei a bawl Topa in note thupha hong pia ta hen!

Jeremiah 51:15

“Pasian in ama’ vangliatna tawh leitung bawl a, ama’ pilna tawh leitung piangsakin, ama’ siamna tawh vantung a zalh hi.

Mangmuhna 4:11

“Kote’ Topa, kote’ Pasian aw, nang in na khempeuh na piangsak a, Nangma deihna hangin piangin a om uh ahih ciangin, tua minthan’na, pahtawina leh vangliatnate ngah dingin na kilawm hi.” ci-in a phat uh hi.