Sawltak 13:6 - Tedim Bible

⁶ Pafos khua dongin tua gam khempeuh a paisuak khit uh ciangin Pafos khua-ah tung uh a, Judah mi dawi aisan ahi, a min Bar-Zeisu kici thuzuau kamsangpa khat a mu uh hi.

Tedim Bible Revision 2017

⁶ Tua tuikulh tung khempeuh ah zin kawikawi-in Pafos khua a tun uh ciangin mitphial a bawl, kamsang a kineih, Barjesuh min nei Jew mi khat a tuak uh hi.

Sawltak 13:6 Referans Kwoze

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

2 KORIN NIHNA 11:13

Bang hang hiam na cih uh leh, tua bang mite in sawltak zuau ahi uh hi. Khazih’ sawltak banga kibawl a kheem thei nasemte ahi uh hi.

Marka 10:46

Jerikho khuapi tung uh a, Zeisu in a nungzuite akipan mihonpite tawh Jerikho khuapi pan a paikhiat lai takun, Timeus’ tapa Bartimai a min nei, mittaw khutdawh ngen khat lampi geiah a tu hi.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Zekhariah 13:3

Mi khatpeuh kamsang a kineih lai teitei leh, a pian’na a nu leh a pa mahmah in kho ding uh a, ‘Topa’ min paulamin zuauthu gen na hih manin na si ding hi,’ ci ding uh hi. Tua bangin thu a gen teitei leh, a nu leh a pa mahmah in tem tawh sun lum ding uh hi.

Paikhiatna 22:18

“Numei aisannu na hing khawi kei ding uh hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

2 TIMOTI NIHNA 3:8

Zannes leh Zabres in Moses a nial uh mah bangin tua mite in zong thuman thutak a nial uh hi. Amaute a lungsim uh kisia-in upna thu-ah thudotna a thuak zo lo mi ahi uh hi.

1 KHANG TANGTHU MASATE 10:13

Tua ahih ciangin a thuman’lohna hangin Saul si hi; amah in Topa’ thupiakna a zuih lohna, leh vankah khat thu dongin a lamlah ding a zon’na,

1 KUMPI MASATE 22:22

Topa in ama kiangah, ‘Bang lam tawh zol ding na hi hiam?’ a ci hi. Amah in, ‘Keimah paikhia-in, ama kamsangte khempeuh’ kam sungah zuau thei kha ka va hi ding hi,’ a ci hi. Tua ciangin amah in, ‘Nangmah in amah a va zol ding na hi a, nangmah in na zo ding hi; paikhia in la, tua bangin hih in,’ a ci hi.

Siampi Laibu 20:6

“Mi khat vankahna leh ai saanna lamah kihei-in tuate thu a dot leh, keimah in tua mipa ka maisiat ding a, ama mite lak panin amah ka hawlkhia ding hi.

Sawltak 13:8

Ahih hangin mi bum theipa ahi Elimas in amaute nial a, mangpa in thu up loh nadingin a bawl hi.

Sawltak 13:13

Paul leh a lawmte in Pafos khua panin teembaw tungah tuangin Pamfilia gam sung Perga khua-ah a tung uh hi. Tua khua panin Johan in amaute tawh kikhen a, Jerusalem khua-ah a ciah hi.