Sawltak 13:5 - Tedim Bible

⁵ Salamis khua-ah a om lai takun Judah mite’ kikhopna inn sungah Pasian’ thu a hilh uh hi. Johan in amaute huh dingin a om

Tedim Bible Revision 2017

⁵ Saipras tuikulh a om Salamis khua a tun uh ciangin Jew miteʼ kikhopna innte ah Pasian thu a hilh uh hi. Tua a nasepna uh ah a huh dingin Johan Marka zong amaute tawh a om khawm hi.

Sawltak 13:5 Referans Kwoze

Sawltak 13:14

Amaute in Perga gam a paisuak uh a, Pisidia gam sung Antiok khua-ah a tung uh a, Nipi ni-in kikhopna inn sungah tumin, a tu uh hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Sawltak 19:8

Paul in kikhopna innah lutin kha thum tawntung Pasian’ Gam thu gen a, zolin, lau loin a hilh hi.

Sawltak 18:4

Paul in Nipi ni simin kikhopna inn sungah thuhilhin Judah mi leh Grik mite a zol hi.

Sawltak 17:17

Tua ahih ciangin kikhopna inn sungah Judah mite tawh akipan Pasian a bia mite leh sumbuk lamah a kituahpihte tawh thu a kikum uh hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Sawltak 12:12

Tua bang a ngaihsut khit ciangin Marka, a min thak Johan’ nu Mari’ innah a pai hi. Tua san takah mi tampi hong kikhawm uh a, thu a ngen uh hi.

Sawltak 9:20

‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.

2 TIMOTI NIHNA 4:11

Luka bek ka kiangah a om hi. Marka hong zawn in la, hong tonpih in. Bang hang hiam cih leh, ama nasepna ka phattuampih mahmah hi.

Kolose 4:10

Kei tawh thong a kia khawm mi Aristarkhas akipan Barnabas’ nau Marka leh Justas a kici Zeisu te in note a hong hopih uh hi. Marka thu tawh kipawl note kiangah ka hong khak zo hi. Amah note kiangah a hong tun’ ciangin dawnin na tungsak un.

Sawltak 15:37

Barnabas in Marka kici Johan sap ding a lungngai hi.

Sawltak 12:25

Barnabas leh Saul in a sep ding bang bang uh a zawh khit uh ciangun Marka kici a min thak Johan tonpihin, Jerusalem khua panin a ciah uh hi.

1 KUMPI MASATE 19:21

Tua ciangin amah zuihna panin ciahkik a, a bawngtal kolte la-in a bawngtalte go a, a sate bawngtal kolte tawh huanin mite tungah pia a, amaute in ne uh hi. Tua ciangin amah ding-in Elijah’ nung zui a, ama na sem hi.

Mattiu 20:26

Note laka tua bang ahi kei hi. Note laka milian a suak nuamte in nomau’ na sem uh hen.

2 KUMPI NIHNATE 3:11

Tua ciangin Jehoshafat in, “Ama tung tawnin Topa tungah thu i dot theih nadingin hih lai-ah Topa’ kamsang om lo ahi hiam?” a ci hi. Tua ciangin Israel kumpipa’ nasemte khat in dawngin, “Elijah’ khut, tui a buak zel, Shafat’ tapa Elisha om hi,” a ci hi.

1 KUMPI MASATE 19:3

Tua ciangin amah lau a, ding-in a suahtak nadingin pai a, Judahte’ khua Be-ersheba tungin tua lai-ah a nasempa nusia hi.

Paikhiatna 24:13

Tua ahih ciangin ama' nasempa Joshua tawh Moses kithawi uh a, Pasian' mual tungah paito uh hi.

Sawltak 19:22

Ama nasem mi nih, Timoti leh Erastas Makedonia gamah a paisak khit ciangin amah in Asia gamah tawlkhat khawl lai hi.

Sawltak 19:29

Khua sung khempeuh gamlumna tawh kidim hi. Amaute in Makedonia pana Paul’ khualzinpihte, Gaias leh Aristarkhus a mat khit uh ciangin, pawikhamna inn sungah lungsim kikhatin a tai uh hi.