Sawltak 13:45 - Tedim Bible

⁴⁵ Ahih hangin Judah mite in mihonpi a muh uh ciangin haza uh a, Paul’ thuhilhna a gensia uh hi.

Tedim Bible Revision 2017

⁴⁵ Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paulʼ thugente a man lopi hi, ci-in Paul a gen sia uh hi.

Sawltak 13:45 Referans Kwoze

Juda 1:10

Tua mite in ahih uh leh, amau theih loh na peuhpeuh a kosia uh hi. A ngaihsun thei lo ganhingte bangin ngeina bangin a theihtheih nate uh hangin, amau pumpi uh a siasak uh hi.

Sawltak 18:6

Judah mite in thu nial uh a, a selpho uh ciangin Paul in langpanna tawh ama puan singkhia-in, “Note’ si uh note lu tungah om ta hen! Keimah ka siang hi. Tu-a kipanin Gentailte kiangah ka pai ding hi,” a cih khit ciangin

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!

Sawltak 19:9

Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 5:17

Tua lai takin siampi ukpa leh amah tawh a kipawl Saddusi mite khempeuh a ding uh a, hazatna tawh a dim uh hi.

1 PETER MASA 4:4

Tua hihnate-ah note in amaute tawh kipawlin noptatna-ah kihhuaina na bawl lohna uh amaute in lamdangsa-in hong ko thei uh hi.

1 KORIN MASA 3:3

Bang hang hiam na cih uh leh, leitung lungsim a nei mite na hi lai uh hi. Note lakah ki-en’na leh kitotna a om lai tengin leitung lungsim a nei mite hilo na hi uh hiam? Leitung mite’ ngeina bangin gamta hilo na hi uh hiam?

Sawltak 17:5

Ahih hangin Judah mite in eengin, mi gilo kimkhatte a sap khit uh ciangin, mihonpi kikhawmsak-in khua sung a gamlumsak uh a, Jason’ innah a uumcip uh a, amaute mite mai-ah kaihkhiat nading a zong uh hi.

Mattiu 27:18

Bang hanga hih bang dong ahi hiam i cih leh, amaute in Zeisu a een’ man-unah a piak uh a thei hi.

Jeim 4:5

Lai Siangtho’ thu in: “Eite sunga teeng Kha Siangtho in eite hong aam mahmah hi,” a cihna in a mawkna ahi ci-in na um uh hiam?

Galati 5:21

en’na, zukham luatna, pawikhamna akipan tua bang gamtatnate ahi uh hi. Tau banga gamta mite in Pasian’ Gam a luah kei ding uh hi ci-in nidanga kong cih mah bangin tu-in zong ka hong ci khol hi.

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Thuhilh-sia 4:4

Mi khat leh khat, hauh nop man-a kidemna hangin nakpi-a na kisem ahihna ka mu hi. Hih zong a mawknapi hi a, huihpi nung delh mah tawh kibang bek hi.

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi uh hiam? Topa’ mi khempeuh kamsang hi hen la, Topa in amau sungah ama lungsim guan leh ka cih lai tak hi!” a ci hi.

Piancilna 37:11

A sanggamte in amah haza uh a, ahih hangin a pa in hi thugenna ciamteh hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Sawltak 13:50

Ahih hangin Judah mite in Pasian a zahtak numei liante leh khua sung miliante a hansuah uh a, Paul leh Barnabas bawlsia-in, amau khua sung pan a hawlkhia uh hi.

Sawltak 14:2

Thu-um lo Judah mite in unaute a huat bawlna dingun Gentailte a hansuah uh hi.

Sawltak 14:4

Khua sung mi honpite a kikhen uh a, kimkhat in Judah mite lamah, kimkhat in sawltakte lamah a kipawl uh hi.

Sawltak 14:5

Gentailte leh Judahte in upate tawh bawlsia uh a, suang tawh a deng dingin nakpi-in a delh ding uh,

Sawltak 14:19

Ahih hangin Antiok khua leh Ikonium khua panin Judah mite hong pai uh a, mihonte a hansuah khit uh ciangin Paul suang tawh a deng uh a, a si khin ta hi ci-in khua nawlah a kaikhia uh hi.

2 KORIN NIHNA 11:26

Tam veipi thuhilhin ka zin hi, gun galkah kihtakna, mi suamte kihtakna, ka mi pawlte’ hong bawlsiatna launa, Gentailte’ bawlsiatna launa, khuapi sungah a tung launa, gam lakah a tung launa, tuipi launa, u leh nau banga kibawl mite’ bawlsiatna launa, hih gimna khempeuh ka thuak zo hi.

2 TIMOTI NIHNA 3:11

Antiok khua, Ikonium khua leh Listra khuate-ah ka thuak gimna na thei hi. Tua thu khempeuhte pan Topa in kei hong gumkhia hi.