Sawltak 13:41 - Tedim Bible

⁴¹ Tua thu in: ‘Mi gilote aw, en un, Lungmang un la, taimang un! Bang hang hiam na cih uh leh, nomau khang lai takin na khat ka bawl ding hi, tua bawlna thu mi khat in hong hilh hangin na um kei ding uh hi,’ a ci hi,” ci-in a hilh hi.

Sawltak 13:41 Referans Kwoze

Habakkuk 1:5

Tua ciangin Topa in a mite kiangah thu gen a, “No, a thuman lo ka minamte aw, na kiim uh a, om minam dangte en dih un, lamdang na sa mahmah ding uh hi. Note kiangah hong kigen ciangin na up zawh het loh ding uh thu khat, tu-in a bawl ding ka hi hi.

1 PETER MASA 4:17

Bang hang hiam na cih uh leh, Pasian’ innkuante a masa belin thukhen nading hun a tung zo hi. Eite a masa-in thu hong khen leh, Pasian’ Lungdamna Thu a mang lo mite bang suak ding ahi hiam?

Paunak 5:12

Tua ciangin, “Bang hangin thu thei thei hoh lo a, hong kihilhna mang hoh lo ka hi hiam?

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!

Sawltak 13:47

Bang hang hiam na cih uh leh, Pasian’ thupiakna in: ‘Leimong dongin gupna na pian’sak nadingin, Gentailte’ khuavak dingin ka hong koih zo hi,’ a ci hi,” ci-in lau loin a gen uh hi.

Sawltak 22:21

amah in, ‘Paikhia in. Gentailte kiangah gamlapi-ah nang kong sawl ding hi,’ hong ci hi,” ci-in a gen hi.

Luka 16:14

Dangka a deihgawh Farisaite in hih thu khempeuh a zak uh ciangin Zeisu a zahko uh hi.

Isaiah 65:15

Keima teel mite in ciamsiatna-in na min uh zang ding uh a, Topa Pasian in note hong that ding hi; ahih hangin ama nasemte pen min dang phuah ding hi.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

Sawltak 3:23

Tua kamsangpa’ thugenna a ngai lo khempeuhte in amau pawl lak pan kimangthangsak ding hi,’ a ci hi.

Sawltak 6:14

Bang thu a gen hiam na cih uh leh, ‘Tua Nazareth mi Zeisu in hih inn a sugawp ding a, Moses in eite hong piak ngeina a kikheelsak ding hi,’ ci-a a gen thu ka za zo uh hi,” ci-in teci a pang uh hi.

Luka 23:35

Mite in enin a ding uh hi. A ukte in, “Hih pa in midangte a gum thei hi. Pasian’ teelsa Khazih ahih takpi leh, ama pumpi kigum ta hen,” ci-in a zahko uh hi.

Ezekiel 33:9

Nangmah in gilopa khat hilhkhol napi-in a mawh gamtatna a khawl kei leh, tua mipa a mawh nei mah-in si ding a, ahi zongin nang na suakta ding hi,” hong ci hi.