Sawltak 13:39 - Tedim Bible

³⁹ Amah a um khempeuh in Moses’ Thukham hangah suakta zo lote zong amah hang inah na suakta thei uh hi.

Tedim Bible Revision 2017

³⁹ Tua tham loin Jesu a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

Sawltak 13:39 Referans Kwoze

Galati 2:16

Thukham zuihna hangin diktan’sakna a ngah lo, Khazih upna hangin diktan’sakna a ngah eite in zong Zeisu Khazih’ thu i um zo hi. Bang hang hiam na cih uh leh, Thukham zuihna hangin kuamah in dikkisakna a ngah kei ding hi.

ROM (Romans) 10:4

Bang hang hiam na cih uh leh, thu-um mi khempeuh in a dik nadingun thukham’ mong in Zeisu ahi hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

Hebru 7:19

Ahih hangin tua sang a phazaw lametna thu hong piangsak hi. Tua lametna tawh eite in Pasian i nai thei hi.

ROM (Romans) 10:10

Dikkisakna ngah nadingin lung sungah ki-um hi. Gupna ngah nadingin kam tawh kipulak hi.

ROM (Romans) 8:1

Tua ahih ciangin si-le-sa deihna bangin kalsuan loin Kha deih bangin a kalsuan, Khazih sungah a om mite in mawhna thukhenna tawh a kipelh zo uh hi.

ROM (Romans) 4:15

Bang hang hiam na cih leh, thukham in hehna a piangsak hi. Ahih hangin thukham om kei leh, khialhna zong a om kei hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

ROM (Romans) 5:20

Khialhna a khan’ nadingin Thukham in zong a hong tum hi. Ahih hangin khialhna a khan’ hangin hehpihna a khang zaw semsem hi.

ROM (Romans) 5:9

Tua ahih ciangin ama si tawh dikkisakna i ngah khit ciangin tua Topa hangin Pasian’ hehna tawh i kipelh zaw ding hi.

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Hebru 10:11

Siampi peuhmah in ni simin na semin, cikmah hunin mawhna a maisak zo lo piaknate pia kikkikin a ding uh hi.

Hebru 10:4

Bang hang hiam na cih uh leh, bawngtal’ si leh keel’ si in mawhna paaikhia zo lo uh hi.

ROM (Romans) 5:1

Tua ahih ciangin i upna tawh dikkisakna i ngah ahih ciangin eite Topa Zeisu Khazih hangin Pasian tawh i kilem hi.

ROM (Romans) 4:24

Eite adingin zong a gelh hi. Eite in Topa Zeisu sihna pan a tho kiksakpa i up leh, tua upna eite ading dikna bangin hong ciamteh ding hi.

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Late 143:2

Na nasempa, thu hong sit kei in; bang hang hiam cih leh nangma mai-ah mihing a dik kuamah om lo hi.

JOB (Job) 25:4

Pasian’ muhna-ah kua dik zo ding a, kua siangtho zo ding ahi hiam?

JOB (Job) 9:20

Kei ka dik hangin keima kam mah in hong man ding a, mawhbaang lo ka hih hangin ka kampau hong lehhei sak ding hi.

Galati 5:3

Tua bang ahi hi. Vunatna a thuak mi khempeuh teci ka pankik inah, tua bang mite in Thukham khempeuh siit loin a zuih nadingin leiba nei mi ahi uh hi.

Galati 3:8

Pasian in upna tawh Gentail mite’ dikkisakna a kipsak hi ci-in Lai Siangtho in thei kholin, Abraham kiangah, “Nangmah hangin mi pawl khempeuh in thupha a ngah ding uh hi,” ci-in Lungdamna Thu a na hilh khol hi.

Galati 2:19

Keimah in Pasian hangin ka nuntak theih nadingin Thukham tawh Thukham hangin si-in ka om hi. Keimah in Khazih tawh singlamteh tungah sihna ka thuakkhawm zo hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

ROM (Romans) 9:31

Ahih hangin dikna thukhamna a delh uh Israelte in tua dikna thukham ah a tung zo kei uh hi.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Luka 10:28

Zeisu in, “Na dawn’na thu ahi takpi hi. Tua bangin na hih leh, na nungta ding hi.” a ci hi.

Luka 10:25

Thukham siapa khat ding-in Zeisu ze-et a, “Sia aw, tawntung nuntakna luah nadingin bang ka hih ding hiam? ci-in a dong hi.

Habakkuk 2:4

Tua a hong tung ding thu in, ‘A gilo mite suakta lo ding a, ahih hangin thuman mi in ama upna tawh a nungta ding hi,’” hong ci hi.

Jeremiah 31:32

Tua pen, a pu a pate uh, Izipt gam pana ka lakkhiat nadingin a khut uh tawh ka kaih khiat huna ka bawl uh thu thuciamna tawh kibang lo ding hi. Tua lai-in amaute’ pasal ka hih hangin ka thuciamna a hong palsat uh hi, Topa in kong ci hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

ROM (Romans) 3:20

Bang hang hiam na cih uh leh, thukham tawh mawhna kilang ahih ciangin thukham a zuihna tawh, Pasian mai-ah kuamah in dikkisakna a ngah kei ding hi.