Sawltak 13:36 - Tedim Bible

³⁶ David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

Tedim Bible Revision 2017

³⁶ David in ama hun lai-in Pasianʼ deihna bangin na sem a, a sih ciangin a pu a pate gei mahah kisialin muatna a thuak hi.

Sawltak 13:36 Referans Kwoze

Sawltak 2:29

“Ute naute aw, pian’na pu David thu a tel takin note kiangah kong gen-inah, tua David si a, a kivuina han in tuni dongin eite kiangah a om hi.

1 KUMPI MASATE 2:10

Tua ciangin ama pate tawh David ihmu-in David khuapi sungah kivui hi.

Sawltak 13:22

Tua pa a khinkhiat khit ciangin David kumpipa a koih hi. ‘Ka deih bangin a sem ding, ka lungsim tawh kituak mi, Jessi’ tapa David ka mu zo hi,’ ci-in amah ading teci a pang hi.

2 SAMUEL NIHNA 7:12

Na ni cingin na pate tawh na lup ciangin, nangma sung panin hong suak khia ding na tapa nangma nungah ka khangsak ding a, keimah in ama kumpigam ka kipsak ding hi.

1 KHANG TANGTHU MASATE 18:14

Tua ahih ciangin David in Israel khempeuh tungah uk hi; amah in a mite khempeuh tungah thuman leh thutang zang hi.

1 KORIN MASA 15:18

Tua tham loin, Khazih’ thu-um a sisate in zong a mangthang ahi ding uh hi.

1 KORIN MASA 15:6

Tua nung ciangin ute naute za nga tham lote kiangah thakhatin a kilang hi. Tuate a tampi in tudong a nungta lai uh hi. Kimkhat a si zo uh hi.

Johan 11:39

Zeisu in, “Suang lemkhia un,” a ci hi. Misipa’ sanggamnu Martha in, “Topa aw, tu-in ahih leh, a uih zo ding hi. Bang hang hiam na cih leh, ni li pha zo hi,” a cih leh,

Late 49:14

Tua bangin amaute Leinuai-a dingin kiseh hi; Sihna in amau cingpa hi ding hi; Midikte in zingsang ciangin uk ding uh hi, hankhuk-ah amaute tuaksuk suak uh a, a meel uh sia ding hi; Leinuai in amau’ inn hi ding hi.

JOB (Job) 21:26

Ahi zongin a kibangin a vekpi-in si-in kivui a, than in amaute tuamcip hi.

JOB (Job) 17:14

Hankhuk pen ka pa hi, ka ci ding a, kei hong ne thante pen ka nu leh sanggam numeite, ka ci ding hi.

2 KHANG TANGTHU NIHNATE 26:23

Tua ciangin Uzziah a pate tawh ihmu a, amaute in kumpite’ neihsa kivuina munah a pate tawh vui uh hi; bang hang hiam cih leh amaute in, “Amah in a phak ahi hi,” a ci uh hi. Tua ciangin a tapa Jotham in ama tangin uk hi.

2 KHANG TANGTHU NIHNATE 21:1

Jehoshafat a pate tawh ihmu a, David khuapi sungah a pate tawh kivui hi; tua ciangin a tapa Jehoram in ama taangin uk hi.

2 KHANG TANGTHU NIHNATE 12:16

Tua ciangin Rehoboam a pate tawh ihmu a, David khuapi sungah kivui hi; tua ciangin a tapa Abijah in ama taangin uk hi.

2 KHANG TANGTHU NIHNATE 9:31

Tua ciangin Solomon a pate tawh ihmu a, a pa David khuapi sungah kivui hi; tua ciangin a tapa Rehoboam in ama taangin uk hi.

1 KHANG TANGTHU MASATE 17:11

Na nuntakna bei-in na pate kiang na zuat ciangin nangma nungah na tapate khat ka khangsak ding a, ama kumpi gam ka kipsak ding hi.

Piancilna 3:19

Lei-ah na ciahkik matengin na maitang-ah khua-ul tawh an na ne ding hi, bang hang hiam cih leh tua sung panin nang hong kipiangsak a, nang in leivui na hi hi, leivui-ah na ciahkik ding hi,” ci hi.

1 THESALONIKA MASA 4:13

Ute naute aw, muan’na a nei lo midangte a dah bangun note in na dah loh nadingun a si mite’ thu thei loin na om ding uh ka deih kei uh hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Sawltak 7:60

khukdin’a, “Hih khialhna tawh amaute na mawhsak kei in,” ci-in nakpi-in a kiko khit ciangin a si hi.

1 KHANG TANGTHU MASATE 11:2

A hun beisa, Saul kumpi ahih sung nangawnin Israel a kuankhiatpih leh a ciahpih in nangmah na hi hi; Topa na Pasian in nangma kiangah, ‘Nangmah in ka mi Israelte a cingpa na hi ding a, ka mi Israelte tungah ulian na hi ding hi,’ hong ci hi,” a ci hi.

1 KHANG TANGTHU MASATE 29:28

Tua ciangin a khangham, a ni cing, hauhna leh minphatna tawh si hi; tua ciangin a tapa Solomon in ama tangin uk hi.

Sawltak 8:1

Saul in Stefen sih nading a thukim hi. Tua lai takin Jerusalem khua-ah a om pawlpite nakpi-in bawlsia uh a, sawltakte sim loh thu-um midangte khempeuh in Judah gam leh Samaria gam mun khempeuh ah a kithehthang uh hi.

Mattiu 25:16

Talen nga a sangpa in a metbawl leh, adang amet talen nga a ngah hi.