Sawltak 13:32 - Tedim Bible

^32-33 ‘Ka tapa na hi hi. Tu ni-in na Pa ka suak hi,’ ci-in Late Lai Siangtho Nambat nihna sungah a kigelhkholh mah bangin Pasian in Zeisu nungtakik sak a, i pu i pate kiangah a piak kiciamna ei a tate tungah hong tung sak hi ci-in Lungdamna Thu nomau kiangah kong paipih uh hi.

Tedim Bible Revision 2017

^32-33 Kote pen note kiangah Lungdamna Thu a puak dingin hih lai ah a hong om ka hi uh hi. Tua thu in: Pasian in i pu i pate tungah a ciam thu pen Jesu a hinkiksakna tawh, Israelʼ suan ahi eite le midang khempeuh adingin tu-in a hong tungsak ahi hi. Late a lian nihna sungah, ‘Nang pen ka Tapa na hi a, tu ni-in nangma Pa ka suak hi,’ a cihna thu hong tungsak hi.

Sawltak 13:32 Referans Kwoze

ROM (Romans) 4:13

Bang hang hiam na cih uh leh, leitung a luahsak nading Abraham ahi zongin, a suante ahi zongin, a thuciamna a ngahna in thukham tawh a ngah kei uh hi; upna tawh kipawl dikna hangin a ngah uh hi.

Sawltak 26:6

Tu-in Pasian in i pute i pate kiangah a piak thu kiciamna lametna hanginah thukhenna thuakin ka om hi.

Ezekiel 34:23

Amaute a cing dingin ka nasempa David ka koih ding a, amah in amaute hoih takin an vakin kem ding hi.

ROM (Romans) 9:4

Tua mite in Israel mite ahih uh ciangin a ta za-a kikoih nading ahi zongin, vangliatna ahi zongin, thu kiciamnate ahi zongin, Thukham koihna ahi zongin, Pasian biakna ahi zongin, thuciamnate ahi zongin,

Sawltak 13:38

Tua ahih ciangin ute naute aw, tua pa hangah mawhna kimaisakna thu nomau kiangah hong kihilh zo hi ci-in na thei ta un.

Zekhariah 6:12

Ama kiangah, ‘Topa in hih bangin ci hi: “Hih mipa in sing bangin A Sel a kici mipa ahi hi. A omna peuhpeuh-ah amah cithei ding a, Topa’ biakinn lamkik ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

ROM (Romans) 10:15

A kisawl kei leh, bang ci a hilh thei ding hiam? Lai Siangtho sungah a kigelh mah bangin, “Nopna Lungdamna Thu hong zasak mite’ khe in bang zahin kilawm ahi hiam!”

Sawltak 5:42

Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

Luka 2:10

Ahih hangin vantungmi in, “Lau kei un. Bang hang hiam na cih uh leh, mi khempeuh ading nakpi nuamna thu note kong zasak ding hi.

Luka 1:19

vantungmi in, “Keimah in Pasian kiangah a ding Gabriel ka hi hi. Nangmah hopih a, hih lungdamna thu hong zasak dingin hong sawl hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Haggai 2:7

Minam khempeuh lokgawp ding ka hih manin, a neihsa uh sum leh paiite, hih munah hong kipuak ding a, biakinn sungah a dimin van hong om ding hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Isaiah 52:7

Thu hoih hong puak, kilemna thu a genzaak, thu hoih thupha hong puak, hotkhiatna thu a genzaak, Zion tungah, ‘Na Pasian in uk hi,’ ci-in mualte kantanin thu hong gente’ khe bangzahin hoih ahi hiam?

Isaiah 41:27

Topa ahi keimah in Zion tungah hih thu ka pulak masa a, Jerusalem tungah lungdamna thutak ka gen hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Thu-hilhkikna 18:15

“Topa na Pasian un note lak ahi na sanggamte lak panun note adingin kei tawh a kibang kamsang khat hong khangsak ding hi—note in ama thu na ngai ding uh hi—

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Piancilna 26:4

Na suan-le-khakte van-a aksi bangin tampi ka phasak ding a, na suan-le-khakte' tungah hih leitang khempeuh ka pia ding hi; na suan-le-khakte thupha ka piak bangin leitung minam khempeuh in thupha a ngah nadingun hong ngen ding uh hi:

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Sawltak 13:23

Johan in amah a pai ma-in Israel mi khempeuh kiangah kisikkik nading baptaizna thu a hilhkholh lai takin tua David’ suante lakah Pasian in a ciamsa mah bangin Israelte ading Gumpa Zeisu a piangsak hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

ROM (Romans) 1:2

Pasian in a Tapa thu nidang lai-inah kamsangte tungah Lai Siangtho sungah thukiciamna Lungdamna Thu hilh nadingin a teelsa sawltak a, hong koih, Khazih Zeisu’ nasem keimah Paul in