Sawltak 13:27 - Tedim Bible

²⁷ Bang hang hiam na cih uh leh, Jerusalem khuapihte leh amau ukte in amah ahi zongin, Nipi ni simin a kisim Pasian’ kamsangte’ lai ahi zongin thei lo uh ahih ciangin tua thute a tungsak dingin Zeisu a daantat uh hi.

Tedim Bible Revision 2017

²⁷ Jerusalem khua-a a teeng mite le a makaite un Jesu pen Honpa ahih lamtak na thei lo uh a, Sabbath nisimin a kisim niloh kamsangteʼ thu zong na tel lo uh hi. Amaute in Jesu na mawhsak uh ahih manin kamsangteʼ thugente a manin hong tung hi.

Sawltak 13:27 Referans Kwoze

Sawltak 3:17

“Tu-in ute naute aw, note akipan no hong ukte in thei loin ahih uh ka thei hi.

ROM (Romans) 11:25

Ute naute aw, na kisaktheih loh nadingun Gentailte khempeuh hong lut khit matengin, Israel mite tungah khuamialna tawm a tung hi ci-in hih thuthuk thei loin na om ding uh ka ut kei hi.

Sawltak 15:21

Bang hang hiam na cih uh leh, tanglai panin kikhopna innah Moses’ Thukham Lai Siangtho Nipi ni simin kisimin, khua khempeuh ah thuhilhte a om uh hi,” ci-in a gen hi.

Luka 24:20

Siampi liante leh ei upate in tua pa a sih nadingin pia uh a, singlamteh tungah a that uh hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

2 KORIN NIHNA 3:14

Tuate lungsim in theih hakin, tu-ni dongin thuciamna lui a sim uh ciangin, tua mai sitna in a sin hi; Khazih hangin kipaaikhia zo hi cih a thei kei uh hi.

1 KORIN MASA 2:8

Tua pilna pen leitung ukte khat beek in a thei kei uh hi. Thei uh hi leh, minthan’na Topa singlamteh tungah a that kei ding uh hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

1 TIMOTI MASA 1:13

Bang hang hiam cih leh, keimah in Pasian a kosia ngei mi, a bawlsia ngei mi, a khialtat ngei mi ka hih hangin thudik mi ci-in Topa in hong ciamteh a, thuhilh za-ah hong koih hi. Bang hang hiam cih leh, upna nei lo, thu thei loin ka bawlna hang hi.

Johan 16:3

Amaute in ka Pa thei loin kei zong hong thei lo uh ahih ciangin, tua thu a bawl ding uh hi.

Johan 8:28

Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

Luka 22:34

Zeisu in, “Piter aw, ke’n kong cih-inah, nangmah in, ‘Ke’n ka thei kei hi,’ ci-in kei thumvei nong nial matengin, tuni-in aak a khuang kei ding hi,” a ci hi.

Mattiu 22:29

Zeisu in, “Note in Lai Siangtho ahi zongin, Pasian vangliatna ahi zongin thei lo na hih uh ciangin, na um khial uh hi.

Piancilna 50:20

Note in ahih leh, kei’ tungah a sia dingin na ngaihsun uh hi; ahih hangin Pasian in tu ni hun-a mah bangin mi tampite a nuntak theihna a pian’ nadingin a hoih dingin a ngaihsut ahi hi.

Luka 23:13

Pilat in siampi liante, upate leh mite sam a,

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.