Sawltak 13:25 - Tedim Bible

²⁵ Tua Johan in a nasepna a zawh lai takin, ‘Kei in kua mi ka hi hong um na hi uh hiam? Amah ka hi kei hi. Ahih hangin ka nungah hong pai mi khat a om lai hi. Ama khedap sut ding ka kilawm kei hi,’ a ci hi.

Tedim Bible Revision 2017

²⁵ Johan in ama nasep a zawh kuan ciangin mite kiangah, ‘Kei kua hi hong ci na hi uh hiam? Kei pen noteʼ ngak pa ka hi kei hi. En un, kei nungah na ngak pa uh hong pai a, ama khedap khau a sutsak ding nangawnin ka kilawm zo nai kei hi,’ ci hi.

Sawltak 13:25 Referans Kwoze

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Marka 1:7

Ama thuhilhna in, “Kei sangin a lian zawpa khat in ka nungah hong pai ding hi. Ama khedap khau sut ding nangawn ka kilawm kei hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Mangmuhna 11:7

Amaute in a teci pan’na a zawh khit uh ciangin kuam thukpi sung pan hong kahto sahang in amau doin zoin a that ding hi.

2 TIMOTI NIHNA 4:7

Galdona a pha ka do zo hi, tai nading lam a mong dongin ka tai zo hi, upna thu ka keem zo hi.

2 KORIN NIHNA 4:5

Kote in komau thu ka hilh kei uh hi. Zeisu Khazih in Topa ahi hi cih ahi zongin, kote in Zeisu Khazih ading note’ sila ka hi uh hi, cih ahi zongin ka hilh uh hi.

Sawltak 19:4

Paul in, “Johan in, ‘Kei nungah hong paipa na um ding uh hi,’ ci-in mite kiangah genin, mawhna a kisikkik manunah a baptaiz hi. Tua bang a cihna in Zeisu ahi hi,” ci-in Paul in a gen hi.

Sawltak 13:36

David in Pasian’ deih bangin ama khan’ lai-in na a sep khit ciangin si a, a pute a pate tawh kivui khawm a, muatna a thuak hi.

Johan 7:18

Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Johan 1:34

Keimah in ka mu zo a, hih pa in Pasian’ Tapa hi ci-in teci ka pang zo hi,” ci-in Johan in a gen hi.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!