Sawltak 13:23 - Tedim Bible

^23-24 Johan in amah a pai ma-in Israel mi khempeuh kiangah kisikkik nading baptaizna thu a hilhkholh lai takin tua David’ suante lakah Pasian in a ciamsa mah bangin Israelte ading Gumpa Zeisu a piangsak hi.

Tedim Bible Revision 2017

²³ Pasian in ama ciam sa bangin Israel mite a hon khia dingin hih Davidʼ suan sung pan Jesu a bawl hi.

Sawltak 13:23 Referans Kwoze

Mattiu 1:1

Abraham’ suan, David’ suan, Zeisu Khazih’ khang ciamtehna lai inah:

Late 132:11

Topa in a pelh loh ding kiciamna taktak khat David tungah a ciam a, “Nang sung pan-a na tate khat na kumpi tokhom tungah ka koih ding hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

Sawltak 13:32

‘Ka tapa na hi hi. Tu ni-in na Pa ka suak hi,’ ci-in Late Lai Siangtho Nambat nihna sungah a kigelhkholh mah bangin Pasian in Zeisu nungtakik sak a, i pu i pate kiangah a piak kiciamna ei a tate tungah hong tung sak hi ci-in Lungdamna Thu nomau kiangah kong paipih uh hi.

2 SAMUEL NIHNA 7:12

Na ni cingin na pate tawh na lup ciangin, nangma sung panin hong suak khia ding na tapa nangma nungah ka khangsak ding a, keimah in ama kumpigam ka kipsak ding hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

2 PETER NIHNA 3:2

Note in a siangtho kamsangte in nidang lai-inah a gensa thute ahi zongin, note sawltakte tungah hong piak Topa leh Honpa’ thupiakna ahi zongin, na ngaihsut nadingun, hih laikhak nihna sungah note lungsim siangtho uh hong phawksakin ka hong hansuah hi.

2 PETER NIHNA 2:20

I Topa leh Honpa Zeisu Khazih theihtelna hangin leitung kihhuaina tawh a suahtak khit uh ciangin, khat vei awk kikin a lelh uh leh, a nung ciangin a pian’ in a pian’masak sangin a gilo zaw hi.

2 PETER NIHNA 1:11

Tua bang hangin eite Topa leh Honpa Zeisu Khazih’ tawntung Gam sung lut theihna thu note a kicingin hong kipia ding hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Titu 1:4

A kibang khawm upna thu sungah ka ta taktak ahi Titu kiangah thu ka hong zasak hi. Pa Pasian leh eite Honpa Khazih Zeisu kiang pan hehpihna thupha leh nopna nangma tungah om ta hen.

ROM (Romans) 11:26

Tua ahih ciangin Lai Siangtho sungah a kigelh mah bangin Israel mite khempeuh in gupna a ngah ding uh hi. Tua a kigelhna in: “Zion Mual tungah Gumpa hong pai ding a, Pasian zahtak lohna Jakob’ suante lak pan a lakhia ding hi.

Sawltak 3:26

Pasian in a Silapa hong thawhsak khit ciangin, note na vekpi un na khialhna uh pan hong kikheelsakin, note thupha hong pia dingin note kiangah hong paisak masa hi,” a ci hi.

Sawltak 2:30

Amah in kamsangpa hi a, ama suan sung pan mi khat ama tokhom tungah a tusak ding hi ci-in Pasian in a kiciam hi cih theikhol ahih ciangin Khazih’ thawhkikna thu a gen hi. Bang hang hiam na cih uh leh, tua Zeisu pen sihna gam sungah kinusia lo a, a sa in zong muatna a thuak kei hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Johan 4:42

Amaute in numei kiangah, “Tu-in ahih leh, kote in na genna hangin um ka hi kei uh hi. Kote in zong ka za teekteek uh a, hih pa in leitung mite’ Gumpa ahi takpi hi ci-in ka thei uh hi,” a ci uh hi.

Luka 1:69

Bang hang hiam i cih leh, tanglai ama kamsang siangthote’ kam tawh a gen kholh mah bangin,

Mattiu 22:42

Kua ta hi na ci uh hiam?” ci-in a dot ciangin, “David’ Tapa hi,” a ci uh hi.

Mattiu 21:9

A mai pai, a nung a zui mihonpite in, “David’ Tapa tungah Hosanna! Pasian’ min tawh hong paipa in thupha ngah ta hen! Van a sangbelna-ah Hosanna!” ci-in a kiko uh hi.

Mattiu 1:21

Amah in tapa a nei ding hi. Tua tapa in ama mipawlte’ mawhnate sung pan a gumkhia ding ahih ciangin a min Zeisu na phuak ding hi,” ci-in a hilh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Isaiah 45:21

Na thu uh sung un la, gen un; amaute kikum khawmsak un! Hih thu sawt pekin kua in genkhol ahi hiam? Tang lai-in kua in pulak ahi hiam? Keimah Topa hilo ka hi hiam? Thuman Pasian leh Honpa ahi, kei sim loh Pasian dang om lo hi; kei sim loh kuamah dang om lo hi.

Isaiah 43:11

Kei, keimah in Topa ka hi a, kei sim loh honpa dang om lo hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Isaiah 7:13

Tua ciangin Isaiah in, “David innkuan aw, ngai un! Mite na lunggim sakna uh thu neu sa a, ka Pasian zong lunggim sak na hi uh hiam?

Sawltak 4:12

Tua mi simloh midang tungah gupna thu a om kei hi. Bang hang hiam na cih uh leh, ama min simloh eite’ gupna ngah nadingin hong kipia mindang khat beek van nuai mite lakah a om kei hi,” ci-in a gen hi.

Jeremiah 30:9

Topa, amau’ Pasian’ na ahi zongin, amaute’ kumpi-a ka koih ding David’ na ahi zongin a sem zaw ding uh hi.