Sawltak 13:2 - Tedim Bible

² Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Tedim Bible Revision 2017

² Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sap sa ahih manin kei adingin Barnabas le Saul hong pia khia un,” a ci hi.

Sawltak 13:2 Referans Kwoze

Galati 1:15

Ahih hangin ka nu’ gil sung pan hong teelkhia a, ama hehpihna thupha tawh hong sam Pasian in,

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

2 TIMOTI NIHNA 1:11

Tua thu hilh ding za-ah ahi zongin, sawltak za-ah ahi zongin, laihilh za-ah ahi zongin kei hong koih zo hi.

1 KORIN MASA 12:11

Hih thu khempeuh Kha Siangtho khat bek in bawl a, ama deihna bangin mikim tungah a hawmsak hi.

ROM (Romans) 1:1

Mipawl lamsang ah David’ suan ahi, sihna pan a thawhkikna hangin a siangtho Kha lamsang ah vangliatna a nei, Pasian’ Ta kici i Topa Zeisu Khazih ahi,

1 TIMOTI MASA 2:7

Keimah in tua teci pang mi za-ah ahi zongin, sawltak za-ah ahi zongin, upna thu leh thuman thutak thu Gentailte kiangah a hilh za-ah ahi zongin hong koih hi, ka cih ciangin thuzuau ka gen kei hi, thuman thutak ka gen hi.

Sawltak 22:21

amah in, ‘Paikhia in. Gentailte kiangah gamlapi-ah nang kong sawl ding hi,’ hong ci hi,” ci-in a gen hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.

Daniel 9:3

An ngawlin, ippi puan silhin, vut lakah tu-in, Topa’ kiangah deihtakin thu ka ngen hi.

Kolose 4:17

Arkhippas kiangah zong, “Nangmah in Topa’ khut sungah na ngah nasepna na zawh khit nadingin ciamteh in,” ci-in na gen un.

Luka 2:37

kum sawmgiat leh kum li dong meigong a, thungetna leh an tan’na tawh sun tawh zan tawh pelh loin bia-in biakna innpi lawi loin a om hi.

1 SAMUEL MASA 2:11

Tua ciangin Ramah-a ama inn-ah Elkanah ciah hi. Naupang in siampi Eli omna-ah Topa’ na sem hi.

2 TIMOTI NIHNA 2:2

Teci tampi mai-ah keima kiang pan na zaksa nate, dikna tawh dimin midangte a hilhsawn thei ding mite’ tungah na ap in.

Efesa 3:7

A vangliatna-a bawlphatna bangin keimah hong piak Pasian’ hehpihna ka ngah mah bangin, tua Lungdamna Thu a hilh nasem ka suak zo hi. A kizong khia khin zo lo Khazih hauhna thu Gentailte kiangah hilh dingin ahi zongin,

Sawltak 13:3

Tua ciangin an tangin thu a nget khit uh ciangin, a tunguh ah a khut uh a ngak khit uh ciangin a pai sak uh hi.

Sawltak 10:30

Kornelias in, “Tuni-in ni li a phak zawh ni, tu hun lai tak nai thum thungetna ka inn sungah ka bawl lai takin, puan taang mahmah a silh mi khat in ka mai-ah a ding hi.

Sawltak 10:19

Piter in a mangmuhna a ngaihsut lai takin Kha Siangtho in, “Mi thumte in nang hong zong uh hi.

Sawltak 8:29

Kha Siangtho in, “Tua leeng va nai in la, beel in,” ci-in Filip kiangah thu a piak ciangin Filip in ama kiangah tai a,

Mattiu 9:38

Tua ahih ciangin, ‘buh at nasem ding mi hong sawl in’ ci-in buh nei Topa kiangah thu na ngen un,” a ci hi.

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Thu-hilhkikna 10:8

Tua hun lai takin Topa in, tu ni dongin ama na a sem ding leh ama min tawh thupha a pia dingin Topa mai-ah ding-in Topa’ thuciamna singkuang a pua dingin Levi minam tuam koih hi.

Hebru 5:4

Pasian in Aaron a sap bangin a sap mite longal, kuamah in tua za a lian a la thei kei ding hi.

2 TIMOTI NIHNA 4:11

Luka bek ka kiangah a om hi. Marka hong zawn in la, hong tonpih in. Bang hang hiam cih leh, ama nasepna ka phattuampih mahmah hi.

2 TIMOTI NIHNA 4:5

Nangmah na hih leh, na khempeuh sungah na lungsim na kikeem in, gimna thuak in, thuhilh sia’ na mah na sem in; nang nasep ding nasepna a vekpi-in na sem in.

2 KORIN NIHNA 11:27

Gim mahmah a, hahkatna tawh nasepna, tamveipi gilkialna dangtakna, tam veipi antan’na, khuadam thuakna, puan nei lo-a omna, hih gimna khempeuh ka thuak zo hi.

2 KORIN NIHNA 6:5

satna tupna thuakna, thong sung khumna, mi tawh kitotna, nasepna, ihmu lo a, ngakna, gilkial thuakna,

1 KORIN MASA 7:5

Thungen dingin na lungsim uh kikhatin, tawlkhat bek tan’na longal note in khat leh khat na kinial kei un. Tua ahih ciangin na pum uh na kham zawh lohna uh hangah Satan in hong zol loh nadingin, a nung ciangin omkhawm kik un.

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

ROM (Romans) 10:15

A kisawl kei leh, bang ci a hilh thei ding hiam? Lai Siangtho sungah a kigelh mah bangin, “Nopna Lungdamna Thu hong zasak mite’ khe in bang zahin kilawm ahi hiam!”

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Sawltak 6:4

Kote ka hih uh leh, thungetna, leh thugenna ka hih niloh ding uh hi,” a ci uh hi.

1 KHANG TANGTHU MASATE 16:4

Tua tham loin amah in Topa’ thuciamna singkuang mai-ah na semin thu ngen ding, lungdamna ko ding, leh Israel Pasian, Topa a phat dingin Levi mite pawlkhat seh hi.

Luka 10:1

Tua khit ciangin Topa in a dang sawmsagihte koih a, a pai nading khuapi, khuaneu tengah ama mai-ah nih tek, nih tekin a sawl hi.

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

Sawltak 13:4

Tua bangin Kha Siangtho in amaute pai sak a, Seleukia khua-ah a paisuk uh hi. Tua khua panin teembaw tuangin Saipras gamah a tung uh hi.

Mattiu 17:21

Note in upna nei le-uh teh, bawl zawh loh na khat beek na nei kei ding uh hi,” ci-in a gen hi.