Sawltak 13:19 - Tedim Bible

¹⁹ Kanaan gam sung mipawl sagih a suksiat khit ciangin tuate gam ama mite in a luah dingun kum zali leh sawmnga tawntung a hawmsak hi.

Tedim Bible Revision 2017

¹⁹ Pasian in Kanaan gam sungah minam sagih a suksiat khit ciangin kum za li le kum sawm nga sung bang ama mite a luahsak hi.

Sawltak 13:19 Referans Kwoze

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, leh Jebus mite, no sangin lianzaw-in a thahat zaw minamte note mai panin siang khia sakin,

Late 78:55

Amah in, minamte, amau’ mai panin hawlkhia-in; amau’ luah ding neihsa hawmsak a, Israel minamte amau buk sungah teeng sak hi.

Sawltak 7:45

A piang nunung eite pate in tua buk Gentailte’ lei a luah uh ciangin Joshua tawh a paipih uh hi. Tua Gentailte Pasian in David’ khang dongin i pu i pate mai pan a hawlkhia hi.

Joshua 19:51

Hihte in siampi Eleazar leh Nun tapa Joshua leh Israel minam beh lutangte in kikhopna buk kong, Topa mai Shiloh-ah aisaanna tawh a hawm khiat uh luahnate ahi hi. Tua bangin amaute in leitang hawmna zo uh hi.

Joshua 14:1

Hihte in, siampi Eleazar, leh Nun tapa Joshua, leh Israel minam sung pan beh lutangte in amaute tungah a piak Kanaan gam sungah Israel mite’ ngah gamhte ahi hi.

Late 135:11

Amor kumpipa Sihon, Bashan kumpipa Og leh Kanaan kumpipa that hi.

Nehemiah 9:24

A suan a khakte uh tua gamah lutin a lak uh ciangin, amau’ mai-ah tua gam-a teeng Kanaan mite na nuaisiah a, a ut bang bangun a bawl dingun a kumpite leh a mite amau’ khut sungah na pia hi.

Joshua 24:11

Tua ahih ciangin Jordan galkhatah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite, leh Jebus mite in zong hong do uh hi; note khut sungah amaute kong pia hi.

Joshua 23:4

En un, Jordan panin nitumna lam-a Tuipi Lian dong, a om lai minamte pen ka phiat khiatsa minamte tawh na minamte uh gamh dingin note tungah kong pia khin hi.

Joshua 18:10

Joshua in amaute’ adingin Topa mai Shiloh-ah aai saan sak hi; tua ciangin Joshua in amau’ tanh ding ciat Israelte tungah leitang pia hi.

Piancilna 17:8

Nangma' tung leh nang’ khit cianga na suan-le-khakte’ tungah tawlkhat na omna Kanaan leitang khempeuh na neih tawntung dingun kong pia ding hi; keimah in amaute’ Pasian ka hi ding hi,” ci hi.

Piancilna 12:5

Abram in ama’ zi Sarai, a sanggampa’ tapa Lot, amau’ kaihkhopsa neihsa khempeuh leh Haran-a amau’ neih mi khempeuh sam a, Kanaan gamah pai dingin amaute dingkhia uh hi. Amaute Kanaan gam a tun’ uh ciangin,

Thukhente 11:26

Heshbon leh a khua neute, leh Aroer leh a khua neute, leh Arnon gun pang-a om khuapite khempeuh sungah Israelte a teen’ kum zathum hun sung tengin bang hangin amaute la kik lo na hi hiam?

1 KUMPI MASATE 6:1

Izipt gam panin Israelmite a paikhiat zawh kum zali leh a kum sawmgiatna, Israel tungah Solomon’ uk a kum lina, a kha nihna ahi Ziv kha-in amah in Topa inn lam ding kipan hi.

Isaiah 34:17

Amah in amaute’ tan dingin leitang hawmsak ding a, amau’ tanh ding ciat pia ding hi. Amaute in tua gam nei tawntung ding a, khang khat pan khang khat dongin teeng paisuak ding uh hi.