Sawltak 12:7 - Tedim Bible

⁷ Pasian’ vantungmi khat in ama kiangah ding a, thong inn sungah khuavak a tang hi. Vantungmi in Piter’ pang beeng a, phongin, “Tho mengmeng in,” a cih ciangin sikkhaute a khut tung pan a kitolkhia hi.

Tedim Bible Revision 2017

⁷ Thakhatthu-in Peter gei ah Topaʼ vantungmi khat hong omin thong sung khempeuh khua a vak hi. Vantungmi in Peterʼ liangko lokin phong a, “Manlangin tho in,” a ci hi. Thakhatin Peterʼ khut panin a sikkhaute kitol khia hi.

Sawltak 12:7 Referans Kwoze

Sawltak 5:19

Ahih hangin zan lai takin Topa’ vantungmi khat in thonginn kongkhak a hon’ khit ciangin amaute lakhia a,

Sawltak 16:26

thakhatin zin nakpi liing a, thong innbul zong liing a, kongkhak khempeuh kihong a, mi khempeuh kisutkhia uh hi.

Late 146:7

a kinengniam mite’ adingin thumanna semkhia a, gilkialte an a vaak hi. Topa in thongkiate khahkhia hi;

Late 107:14

amah in, khuamial sung leh a ziing sung panin amaute lakhia a, amau a kihennate botsatkhia hi.

Late 34:7

Amah a zahtakte’ kim-ah Topa’ vantungmi in giahphual sat a, amaute honkhia hi.

Sawltak 10:30

Kornelias in, “Tuni-in ni li a phak zawh ni, tu hun lai tak nai thum thungetna ka inn sungah ka bawl lai takin, puan taang mahmah a silh mi khat in ka mai-ah a ding hi.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

Sawltak 2:24

Ahih hangin sihna in tua pa lencip zo lo ahih ciangin Pasian in sihna gimna a sutkhiat khit ciangin, a hing kiksak hi.

Luka 24:4

Amaute in lamdang a sak lai takun, mi nih in mit leng thei puan silhin amaute kiangah a ding uh hi.

Luka 2:9

Topa’ vantungmi khat in amaute kiangah ding a, a kiimkot ah Pasian’ vang tang a, amaute in a kihta mahmah uh hi.

Micah 7:9

Amah in ka thu hong sun’sakin, kei adingin thu hong khensak mateng Topa’ hehna ka thuak ding hi; bang hang hiam cih leh ama’ tungah ka mawh khin zo hi. Amah in khuavak ah hong paipih ding a, ama’ hotkhiatna ka mu ding hi.

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.

1 KUMPI MASATE 19:7

Tua ciangin Topa’ vantungmi a nih veina hong pai kikin amah lawng a, “Tho in la, ne in, tua hi kei leh nang adingin khualzinna haksa lua ding hi,” a ci hi.

Sawltak 12:23

Amah in Pasian’ min phat lo ahih ciangin Pasian’ vantungmi khat in thakhatin amah sat a, thante in a ne uh a, a si hi.

Sawltak 9:3

Amah lam pai a, Damaskas khua a naih ciangin vantung pan khuavakpi in ama kimkot ah thakhatin a taang hi.

Habakkuk 3:4

Khuaphialep taang bangin hong pai a, a khut sung panin khuavak taang khia hi; tua in a vangliatna a koihna mun ahi hi.

Ezekiel 43:2

nisuahna lam panin Israelte’ Pasian’ minthan’na hong pai ka mu hi. Pasian’ awging pen tuipi ging tawh kibang a, ama minthan’na in leitung taangsak lela hi.

Isaiah 60:1

Jerusalem khuapi aw, tho in la, sun nitaang bang in! Topa minthan’na in nangma tung hong taan’ zo hi.

Late 116:16

Topa aw, keimah in nangma nasem ka hi hi; nangma nasem ka hi a, na nasem nu’ ta ka hi hi. Keimah hong kikhihnate nong sutkhiatsak zo hi.

1 KUMPI MASATE 19:5

Tua ciangin amah lum sukin poding kung khat nuaiah ihmu hi; en in, vantungmi khat in amah lawngin ama kiangah, “Tho in la, ne in,” a ci hi.

Mangmuhna 18:1

Tua thute khit ciangin aana a lian mahmah a nei vantungmi khat in vantung pan pusuakin a hong kumsuk ka mu hi. Lei in ama vangliatna tawh a taang hi.

Hebru 1:14

Vantungmite khempeuh in gupkhiatna luah ding mite kem dingun, sawltak nasem khate hilo ahi uh hiam?

Sawltak 12:6

Herod kumpipa in a lakkhiat hun dek tak ni zanin Piter sikkhau nih tawh kihen a, galkap nih kikalah ihmu a, thong kong mai-ah a cingte in a cing uh hi.

Habakkuk 3:11

Na thaltang leeng a muh ciang, na teipi tee zalzal a muh ciangin, ni leh kha a omna san-ah khawlcip uh hi.

Isaiah 37:30

“Nang Hezekiah’ adingin hih in lim hong hi ding hi: tu kumin anli pote na ne ding uh a, a kum nihna ciangin tua bangmah-a pote na ne ding uh hi; a kum thumna ciangin khaituhin an na la ding uh a, leenggui suanin a gah na ne ding uh hi.

2 SAMUEL NIHNA 22:29

Hi hi, nangmah in ka meivak na hi hi, Topa aw, ka Pasian in ka khuamial vaaksak hi.

Late 68:6

Pasian in a cimawhte a ten’ nading inn pia hi; amah in thongkiate nopsakna munah tun hi; ahih hangin mi lehdote ahih leh keugaw gamah teeng uh hi.

Jeremiah 40:1

Jeremiah kol kibulh-in Jerusalem khua leh Judah gam-a saltangte khempeuh tawh Babilon khua-ah a kipuak khit ciangin Ramah khua panin kumpi cing galkapmang Nebuzaradan in a khahkhia kik hi. Tua khit ciangin Topa in Jeremiah a hopih hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Mattiu 2:13

Tua mite a pai khit uh ciangin Pasian’ vantungmi khat in Josef’ mang sungah kilang a, “Tho in, naupangno leh a nu sam in la, Izipt gamah taipih in. Ka hong hilh kik matengin tua gamah va om in. Herod kumpipa in naupang that nuamin a zong ding hi,” a ci hi.

Sawltak 12:8

Vantungmi in, “Na kawnggak gak in la, na khedap bulh in,” a cih ciangin tua mah bangin a hih hi. “Na puan silh in la, hong zui in,” a ci hi.