Sawltak 12:5 - Tedim Bible

⁵ Tua ahih ciangin Piter in thong sungah a om lai takin pawlpite in Pasian kiangah amah ading hahkatin thu a ngetsak uh hi.

Tedim Bible Revision 2017

⁵ Tua ahih manin thong sungah Peter kikhum a, ahi zongin pawlpi mite in lungsim takpi tawh ama adingin Pasian kiangah thu a ngetsak uh hi.

Sawltak 12:5 Referans Kwoze

1 KORIN MASA 12:26

Tua ahih ciangin na khat in gimna a thuak leh, na khempeuh in zong a thuak kim uh hi. Na khat in phatna a ngah leh, na khempeuh in zong lungdam khitna a ngah kim uh hi.

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

1 THESALONIKA MASA 5:17

Thungen niloh un.

2 KORIN NIHNA 1:11

Note in hong huhin, kote ading thu hong ngetsak le-uh teh, tunung ciangin zong hong gum ding hi ci-in kote in umin ka muang uh hi. Tua ciangin kote tunga hong hehpihna hangin mi tampite’ lungdamkohna in kote hangin Pasian kiang a tung ding hi.

Mattiu 18:19

Khatvei kong gen kikinah, leitungah note nih kithutuak a, thu na nget uh leh, na nget khempeuh vantung khua-ah a om ka Pa in hong pia ding hi.

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

Sawltak 12:12

Tua bang a ngaihsut khit ciangin Marka, a min thak Johan’ nu Mari’ innah a pai hi. Tua san takah mi tampi hong kikhawm uh a, thu a ngen uh hi.

Luka 18:1

Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Sawltak 12:4

Amah in Piter a mat khit ciangin galkap li tek a om, galkap pawl li kemsak a, thong sungah a khia hi. Paisan pawi ni a bei khit ciangin mi honpi mai-ah lahkhiat ding a hanciam hi.

Sawltak 12:6

Herod kumpipa in a lakkhiat hun dek tak ni zanin Piter sikkhau nih tawh kihen a, galkap nih kikalah ihmu a, thong kong mai-ah a cingte in a cing uh hi.