Sawltak 12:23 - Tedim Bible

²³ Amah in Pasian’ min phat lo ahih ciangin Pasian’ vantungmi khat in thakhatin amah sat a, thante in a ne uh a, a si hi.

Tedim Bible Revision 2017

²³ Herod in mite, Pasian phatsak loin amah phatsak ahih manin thakhatin Topaʼ vantungmi in Herod cinasak a, a hut in amah netumin a si hi.

Sawltak 12:23 Referans Kwoze

2 THESALONIKA NIHNA 2:4

Tua mi in thu nial a, pasian a kici khempeuh ahi zongin, a kibia na khempeuh ahi zongin, tuate sangin ama pumpi pahtawi zaw-in, Pasian’ biakinnpi sungah tu-in, “Pasian ka hi hi,” ci-in a pumpi lakin a om ding hi.

Late 115:1

Kote tungah hi loin, Topa aw, kote tungah hi loin, na itna kip leh na thumanna hangin nangma tungah minthan’na om ta hen!

1 SAMUEL MASA 25:38

Tua khit ni sawm bang ciangin Topa in Nabal vat hi; tua ciangin amah si ta hi.

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi; bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding uh hi, a ci hi.

Isaiah 51:8

Bang hang hiam cih leh nget in puan a nektum bangin amaute beimang ding a, lungno in samul puan a pehtum bangin amaute maimang ding hi; ahih hangin keima dikna om tawntung ding a, khang tawntungin ka hotkhiatna kip ding hi.”

Paikhiatna 12:29

Ama' kumpi tokhom tunga a tu Faro’ tacil-a kipanin thongmial sunga a om a kiman mite’ tacil leh ganhing tacil khempeuh, Izipt gam sunga a om tacil khempeuh, zankim lai takin Topa in vat gawp hi.

Ezekiel 28:9

Nang hong that ding hong kuan ciangun, kei, pasian bang hi’ng, na ci lailai diam? Nang hong thatte na tuah ciangin, mihing na hih lelna kilang ding hi.

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Isaiah 14:11

Nangma harp lasakna awte, nangma liatna hanah kipaipih suk hi; thante pen nangma delhphah hi a, thante pen nangma silh ahi hi.

JOB (Job) 19:26

Natna in ka vun a nektum khit hangin, hih ka pumpi mahmah tawh Pasian ka mu ding hi.

JOB (Job) 7:5

Ka pumpi khempeuh than dim a, ka vun tung khempeuh meima in tuamcip hi.

2 KHANG TANGTHU NIHNATE 32:21

Tua ciangin Topa in Assiria kumpipa’ giahphual ah a thahat galhang khempeuh leh galkap ukte leh uliante a susia vantung mi khat sawl hi. Tua ahih ciangin ama gamah maizumna tawh ciahkik hi. Ama pasian’ inn sungah amah a tun’ ciangin ama tapate pawlkhat in namsau tawh amah satlum uh hi.

2 KUMPI NIHNATE 19:35

Tua zanin Topa’ vantungmi paikhia a, Assiria’ giahphual ah galkap tul zakhat leh tul sawmgiat leh tulnga that hi; zingsang tungin mite a thawh ciangin, en in, hihte khempeuh siluang hawm na hi hi.

Paikhiatna 12:23

Bang hang hiam cih leh Izipt mite that dingin Topa in hong nawk ding hi; amah in bangtungzawl leh kongkhak khuam nih tunga sisan a muh ciangin Topa in kongkhak paisan ding a, a susia ding pen note that dingin na inn sung uh-ah tumsak lo ding hi.

Paikhiatna 12:12

Bang hang hiam cih leh keimah in tua zanin Izipt gam ka nawk ding a, Izipt leitang tungah mihing hita leh ganhing hita leh tacil khempeuh ka vat gawp ding hi; Izipt pasiante khempeuh' tungah thu ka khen ding hi; keimah in Topa ka hi hi.

Paikhiatna 10:3

Tua ahih ciangin Faro' kiangah Moses leh Aaron pai uh a ama' kiangah, “Hebru mite’ Pasian, Topa in hih bangin ci hi, ‘Ka mai-ah nang na kiniamkhiat nading bang tan vei nial ding na hi hiam? Amaute in keima' na hong sep theih nadingin ka mite paisak in.

Paikhiatna 9:17

Ka mihingte' tungah nang kiliansak lai-in amaute na paisak kei hi.

Sawltak 5:19

Ahih hangin zan lai takin Topa’ vantungmi khat in thonginn kongkhak a hon’ khit ciangin amaute lakhia a,

Sawltak 12:22

Mi honpite in, “Hih aw in mi’ aw hi lo Pasian’ aw ahi hi!” ci-in a kiko uh hi.

Paunak 12:8

Mipilte kiphatin kipahtawi a, mihaite kineu-et hi.