Sawltak 12:21 - Tedim Bible

²¹ A kiciam kholh ni-in Herod in kumpipuan silhin tokhom tungah tu a, amaute kiangah thu a gen hi.

Tedim Bible Revision 2017

²¹ Kumpipa in a thugen hun ding a ciam kholh ni a tun ciangin a kumpi puan silhin a kumpi tokhom tungah tu a, mite tungah thu a gen hi.

Sawltak 12:21 Referans Kwoze

Mattiu 27:19

Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.

Sawltak 12:20

Herod kumpipa in Tai-ar leh Sidon khuapihte tungah heh a, amaute in a lungsim kikhatin ama kiangah a pai uh a, mangpa’ thu vaihawmpipa Blatas amau lawma a mat khit uh ciangin kilemna thu a gen uh hi. Bang hang hiam i cih leh, amaute gam in kumpipa gam panin an a ngah uh hi.

Sawltak 12:22

Mi honpite in, “Hih aw in mi’ aw hi lo Pasian’ aw ahi hi!” ci-in a kiko uh hi.

1 KUMPI MASATE 22:10

Tu-in Samaria kulhpi lutna ancilna ah Israel kumpipa leh Judah kumpipa Jehoshafat a kumpi tokhom tung uhah tu-in kumpi puan tawh kizemin om uh hi; kamsang khempeuh in amau’ mai-ah thu gen uh hi.

JOB (Job) 15:21

Lau nading awging a bil-ah za ngitnget ding a, lungmuangin a om lai takin gutate in buluh ding hi.

Paunak 18:12

A kiniamkhiatte in zahtakna ngah uh a, a kihisakte in siat ding a manawh hi ta hi.

Isaiah 5:14

Tua ahih ciangin Leinuai in a duhna khangsakin, bangmah tawh kiteh theih lo zahin a kam ka beba a, Jerusalem’ hoihna leh a mipite, a mihonte leh ama sunga lungdam mite a nawmvalh hi.

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtatsiate ahih leh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

Sawltak 24:1

Ni nga khit ciangin siampi ukpa Ananias in Tertullas kici thugen siampa leh upa vaihawmte tawh Kaisaria khua-ah hong tungsuk uh a, Paul’ thu Mangpipa a ko uh hi.

Sawltak 25:23

Tua ahih ciangin zingsang ciangin Agrippa leh Bernike in kithupi bawlna tawh khua sung uliante tawh hong tung uh a, kikhopna inn sungah a tum uh ciangin Festas in thu a piak ciangin Paul a lutsak uh hi.