Sawltak 12:20 - Tedim Bible

²⁰ Herod kumpipa in Tai-ar leh Sidon khuapihte tungah heh a, amaute in a lungsim kikhatin ama kiangah a pai uh a, mangpa’ thu vaihawmpipa Blatas amau lawma a mat khit uh ciangin kilemna thu a gen uh hi. Bang hang hiam i cih leh, amaute gam in kumpipa gam panin an a ngah uh hi.

Tedim Bible Revision 2017

²⁰ Taia khua mite le Sidon khua mite tungah Herod heh mahmah ahih manin Herod tawh a kimu dingin hih khua nih mite hong pai khawm uh hi. A masa-in kumpi inn sunga ulian nasem ahi Blastus a pawlmat phot uh hi. Hih khua nihteʼ an nek tui dawn pen hih kumpipaʼ gam panin a ngah uh ahih manin Blastus makai sakin Herod kiangah va pai-in kilem nading thu a va gen uh hi.

Sawltak 12:20 Referans Kwoze

Ezra 3:7

Tua hi a, amaute in suangseekte leh khutsiamte tungah sum pia uh a, Persia kumpipa Sairas’ tung panin a thu ngahna bangun Lebanon mualtung gam panin tuipi gei Joppa khua ah taamtaak singte a hong puaksuk ding Sidon khuamite leh Tai-ar khuamite tungah zong annek tuidawn leh sathau a pia uh hi.

Ezekiel 27:17

Judah leh Israel gam mite in zong na van leina-in mangbuh, oliv thau leh theipal, khuaizu leh singnamtui tuamtuamte hong pia uh hi.

Luka 16:8

Thuman lo sumkempa in pilna tawh ahih ciangin a topa in a phat hi. Bang hang hiam na cih uh leh, leitung’ tate in amau khang lakah khuavak’ tate sangin a pil zaw uh hi.

Thuhilh-sia 10:4

Nang tungah gam-ukpa a heh leh, na nasepna za taisan pah kei in. Dai tak-a om hithiatna in khialhna lianpi maisak thei hi.

Paunak 25:8

Thu khatpeuh na theih ciangin, thukhen zum tun’ pah kei in. Na vengpa in nang’ khialhna hong laktel kik leh, nang’ bang lawh nawn ding na hi hiam?

Paunak 17:14

Kitot i kipat ciangin tui lipi cin’na phung kehsak khak tawh kibang hi; tua ahih manin a nasiat ma-in kitot khawl pak in.

2 KHANG TANGTHU NIHNATE 2:15

Tua ahih ciangin tu-in ka topa in a gensa mangbuh leh mangbuhham, sathau leh leenggahzute, na nasemte tungah puak in;

2 KHANG TANGTHU NIHNATE 2:10

Sing nasem sing a phukte’ adingin a kisuvui mangbuh beem tul sawmnih, mangbuhham beem tul sawmnih, leenggahzu tambong tul sawmli, leh sathau tambong tul sawmli ka pia ding hi,” a ci hi.

Joshua 19:29

tua ciangin Ramah-ah gamgi kihei a, kulh a nei Tai-ar khuapi tung hi; tua ciangin Hosah-ah gamgi kihei a, tuipi-ah tawp hi; Mahalab, Akzib,

Piancilna 10:19

Kanaan mite’ gam in Sidon panin kipanin Gerar lam manawhin Gaza ciang dong ban a, Sodom lam panin, Gomorrah, Admah, Zeboi-im, Lasha ciang dong ban hi.

Piancilna 10:15

Kanaan in ama' sung pan a suak masa Sidon, Heth

Paunak 20:18

Hoih tak-a geelna, midangte ngaihsutna dotna tawh nasepna taangtung hi; geelna kician om lopi-in galsim dingin kipan kei in.

Sawltak 12:21

A kiciam kholh ni-in Herod in kumpipuan silhin tokhom tungah tu a, amaute kiangah thu a gen hi.

Sawltak 21:3

Saipras tuikulh ka muh uh ciangin a tak lamah pai-in Siria gam galkahin Tai-ar khua-ah ka khawl uh hi. Bang hang hiam i cih leh, teembaw in tua khua-ah a van puak teng suahkhia ding ahi hi.

Sawltak 21:7

Tai-ar khua pan Tolemias khua-ah ka tun’ uh ciangin teembaw tawh paina a om nawn kei hi. Tua khua-a om u leh naute ka hopih uh a, ni khat ka tam khit uh ciangin,