Sawltak 12:2 - Tedim Bible

² Johan’ sanggampa Jeim namsau tawh a that hi.

Tedim Bible Revision 2017

² Johanʼ u James pen namsau tawh thatsak hi.

Sawltak 12:2 Referans Kwoze

Hebru 11:37

Suang tawh denna, sing-atna tawh at tanna, ze-etna, namsau tawh thahna a thuak uh hi. Nakpi-in zawngkhalin, bawlsiatna thuakin, tuuvun keelvun silhin a kawivak uh hi.

Mattiu 20:23

Zeisu in, “Ka dawn ding hai na dawn takpi ding uh hi. Ahih hangin, ka taklam leh veilam ah tut nading, ke’n thu ka hong pia thei kei hi. Ka Pa in ngah dinga a bawlsate in a ngah ding uh hi,” a ci hi.

Marka 10:38

Zeisu in, “Note in nong ngetna uh na thei kei uh hi. Ka dawn ding hai dawn zo ding na hi uh hiam? Ka thuak ding baptaizna thuak zo ding na hi uh hiam?” a ci hi.

Marka 10:35

Tua lai takin Zebedi’ tapa Jakob leh Johan-te in Zeisu kiangah pai uh a, “Sia aw, nangma kiangah kong nget peuh uh nong piak nading ka deih uh hi,” ci-in a gen uh hi.

1 KUMPI MASATE 19:10

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 19:1

Ahab in Jezebel kiangah Elijah’ hih khempeuh, leh namsau tawh kamsangte khempeuh a thah khitna thu gen hi.

Jeremiah 26:23

amau in zong Izipt gam panin Uriah manin Jehoiakim kumpipa’ kiangah a puak uh hi. Amah in tua pa namsau tawh that-in a luanghawm mi mawkmawkte’ kivuina munah a paai hi.

Marka 10:39

“Ka hih zo uh hi,” a cih uh ciangin, Zeisu in, “Ka dawn ding hai na dawn takpi ding uh hi. Ka thuak ding baptaizna zong na thuak ding uh hi.

Sawltak 12:1

Tua lai takin Herod kumpipa in pawlpite kimkhat a kibawlsiat theih nadingin thu pia a,