Sawltak 12:19 - Tedim Bible

¹⁹ Herod in amah zongsak a, a muh loh ciangun a cingte thu a dot khit ciangin a thatsak hi. Tua ciangin amah in Judah gam pan Kaisaria khua-ah paisukin, tua lai-ah tawlkhat a om hi.

Tedim Bible Revision 2017

¹⁹ Peter a zon nadingun Herod in thu pia a, ahi zongin mu zo lo uh hi. Tua ahih manin thongcingte thu kisit a, thah dingin thu a khen nadingun thu a pia hi. Tua ciangin Judea gam panin Sisaria khua ah Herod pai suk a, tua lai ah tawl khat sung a om hi.

Sawltak 12:19 Referans Kwoze

Sawltak 16:27

Thong ukpa tho a, kongkhakte hon’sa-a om a muh ciangin, thongkiate khempeuh suakta khin hi ci-in a up ciangin a namsau a paai pan dok a, amahmah kithat dingin a kisa hi.

Sawltak 21:8

zingsang ciangin paikikin Kaisaria khua-ah ka tung uh a, Sagihte laka khat ahi thuhilhsia Filip, innah tungin ka om uh hi.

Sawltak 12:6

Herod kumpipa in a lakkhiat hun dek tak ni zanin Piter sikkhau nih tawh kihen a, galkap nih kikalah ihmu a, thong kong mai-ah a cingte in a cing uh hi.

Sawltak 12:4

Amah in Piter a mat khit ciangin galkap li tek a om, galkap pawl li kemsak a, thong sungah a khia hi. Paisan pawi ni a bei khit ciangin mi honpi mai-ah lahkhiat ding a hanciam hi.

Sawltak 8:40

Ahih hangin Filip Azotas khua-ah kimu hi. Tua khua panin Kaisaria khua dongin khua khempeuh ah pai kawikawi-in Lungdamna Thu a hilh hi.

Mattiu 2:13

Tua mite a pai khit uh ciangin Pasian’ vantungmi khat in Josef’ mang sungah kilang a, “Tho in, naupangno leh a nu sam in la, Izipt gamah taipih in. Ka hong hilh kik matengin tua gamah va om in. Herod kumpipa in naupang that nuamin a zong ding hi,” a ci hi.

Esther 6:12

Tua ciangin kumpipa’ kongpi-ah Mordekai ciahkik hi. Haman ahih leh kilukhuhsa-in a thuum kawmin a innah ciah pah vingveng hi.

1 KUMPI MASATE 20:43

Tua ciangin Israel kumpipa a innah lungkimlo, maikhingin pai a, Samaria tung hi.

1 SAMUEL MASA 23:14

Zif gamlak mual tung gam sung, gamlak munmuanhuaina-ah David om hi. Saul in ni simin amah zong a, ahih hangin Pasian in ama tungah David pia lo hi.

Sawltak 27:42

Tua lai takin thongkiate in tui peeka a taimang ding uh a lunghihmawh manunah galkapte in, “That ni,” ci-in a vaihawm uh hi.

Sawltak 25:13

Tu nung a sawt loin, Agrippa Kumpipa in ama zi Bernike tawh Kaisar a tun’ ciangin Festas a hopih hi.

Mattiu 2:16

Herod kumpipa in mi pilte’ khemna a theih ciangin a thangpai mahmah a, mite sawl a, mipilte kiangah a tel taka a dot hun tawh kizui-in Bethlehem khua-a kipan khua kimah a om kum nih nuaisiah pasalno khempeuh a thatsak hi.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

Mattiu 2:1

Judah gam Herod Kumpipa a man’ lai takin, Bethlehem khua-ah Zeisu a suah khit ciangin mipilte in ni suahna gam lam panin Jerusalem khuapi-ah tung uh a, tu lai taka suak Judah kumpipa koi lai takah om hiam?

Sawltak 12:18

A zingsang ciangin Piter koi lamah a om hiam ci-in galkapte in a gamlum uh hi.