Sawltak 11:28 - Tedim Bible

²⁸ Tuate lakah Agabas kici khat in ding a, “Gam khempeuh sungah kial hong tung ding hi,” ci-in Kha Siangtho tawh a hilh hi. Tua kialpi in kumpipa Klaudias a man’ lai-in a hong tung hi.

Tedim Bible Revision 2017

²⁸ Amaute sung panin Agabas a kici kamsang pa hong dinga, leitung khempeuh ah kialpi hong tung ding hi, ci-in Kha Siangtho sawlna tawh a gen khol hi. (Tua kialpi pen Klaudias in Gam uk Kumpi a sep laitakin a tung hi.)

Sawltak 11:28 Referans Kwoze

Sawltak 21:10

Tua innah sawtpi ka om lai takin Agabas min nei kamsangpa khat in Judah gam panin hong paisuk hi.

Sawltak 18:2

Tua lai takin Klaudia kumpipa in Judah mi khempeuh Rom khua pan a paikhiat nadingun thu pia zo ahih ciangin Pontas gammi ahi, a min Akuila kici Judah mi khat a zi Prisilla tawh, Italy gam panin a sawt loin hong tung uh a, Paul in a muh ciangin a kiangah a tung hi.

Luka 3:1

Kaisar kumpipa Tiberias a man’ zawh kum sawm leh kum nga ciangin, Judah gamah Pontias Pilat mangpi hi a, Galile gamah Herod menzi hi a, Iturea gam leh Trakhonis gamah Herod’ nau Filip menzi hi a, Abilene gamah Lisanias menzi hi a;

Luka 2:1

Tua lai takin leitung mi khempeuh a kisim nadingin, Kaisar kumpipa Augustas in thu a pia hi.

Piancilna 41:38

Faro in a nasemte' kiangah, “Ama' sungah Pasian’ Kha Siangtho a omna, hih bang mi mu ding i hi hiam?” ci hi.

Mattiu 24:14

Mi namkimte tungah teci a pan’ nadingin leitung khempeuhah Lungdamna Thu kihilh ding hi. Tua khit ciangin beina a piang ding hi.”

Mattiu 24:7

Mi nam khat leh nam khat, gam khat leh gam khat hong kido ding uh hi. Mun khat khatah kial hong tung ding a, ziin hong liing ding hi.