Sawltak 11:27 - Tedim Bible

²⁷ Tua lai takin Jerusalem khua panin Antiok khua-ah Pasian’ kamsangte hong tung uh hi.

Tedim Bible Revision 2017

²⁷ Tua hun pawl laitakin Jerusalem khua panin Antiok khua ah kamsang pawl khat pai suk uh hi.

Sawltak 11:27 Referans Kwoze

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

1 KORIN MASA 12:28

Pasian in a masa belin sawltakte, a nihna thuhilhte, a thumna laihilhte, tua khit ciangin nalamdang a lak theite, tua khit ciangin cina damsak theite, huhte, pawlpi ukte, paunam tuam tampi a gen theite, pawlpi sungah a koih zo hi.

Efesa 4:11

Khazih’ pumpi lamin nasep nading ahi zongin, misiangtho kipsak nading ahi zongin amah in mi kimkhatte sawltak za ahi zongin, mi kimkhat kamsang za ahi zongin, mi kimkhat Lungdamna Thu, thuhilh za ahi zongin, mi kimkhat pawlpi kem Sia za leh laihilh za ahi zongin a koih hi.

Sawltak 15:32

Judah leh Silas in Pasian’ kamsang ahih uh ciangin ute naute kiangah thu tampi hilhin, a lungkipsak uh hi.

Sawltak 2:17

‘A nunung nite ciangin Mi khempeuh tungah ka Kha ka bua ding hi. Na tapate na tanute un thu hilhkhol ding uh hi. Na tangvalte un mang a mu ding uh a, Na puteekte un mang a man’ ding uh hi.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

1 KORIN MASA 14:32

Kamsangte’ kha in kamsangte’ ukna nuai-ah a om ding uh hi.

Sawltak 21:9

Tua pa in thuhilh thei tanu li a nei hi.

Sawltak 21:4

Tua lai-ah nungzuite ka muh uh ciangin ni sagih tawntung ka tam uh hi. Paul in Jerusalem khua ah pai lo dingin amaute in Kha Siangtho theihsakna tawh a gen uh hi.

Luka 11:49

Tua ahih ciangin, Pasian’ lungpilna in, ‘Kamsangte leh sawltakte amaute kiangah ka sawl ding hi. Amau in tuate kimkhat that uh a, a bawlsia ding uh hi!’

Sawltak 6:5

Hih thu in mite lungkimsak ahih manin upna leh Kha Siangtho tawh a kidim Stefen akipan Filip, Prokhoras, Nikanor, Timon, Parmenas, Judah ngeina a zui Antiok khua mi Nikolas-te teel uh a, sawltakte mai-ah a koih uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

Sawltak 15:30

Tuate a kikhak khit uh ciangin Antiok khua-ah a pai uh a, mi honpi a kikhopsak khit uh ciangin laikhak a pia uh hi.

Sawltak 18:22

Paul in Kaisaria khua a tun’ khit ciangin pawlpite tawh kihopih dingin a paitoh khit ciangin Antiok khua-ah a paisuk hi.

1 KORIN MASA 12:10

Mi khat kiangah nalamdang bawlna thu, mi khat kiangah kamsan’na thu, mi khat kiangah lungsim kha khentel theihna thu, mi khat kiangah paunam tampi gen theihna thu, mi khat kiangah tua paute a khiatna gen theihna thute a pia hi.

Galati 2:11

Tua nung ciangin Antiok khua-ah Kefas hong pai ciangin amah mawhsak nading thu om ahih maninah, kei in amah tel takin nialin ka kham hi.