Sawltak 11:26 - Tedim Bible

²⁶ A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Tedim Bible Revision 2017

²⁶ Saul a muh ciangin Antiok khua ah a paipih hi. Kum khat sung tawntung tua lai-a om pawlpi mite tawh amau tegel om khawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Sawltak 11:26 Referans Kwoze

1 PETER MASA 4:16

Ahih hangin Christian ahihna hangin gimna a thuak mi khat a om leh, zum kei hen; ahih hangin tua min puakna hangin Pasian’ min phat ta hen.

Sawltak 26:28

Agrippa in, “Nang in zolna thu tawm tawh kei Christian nong suaksak dektak hi,” ci-in Paul kiangah a ci hi.

1 JOHAN MASA 2:27

Note na hih uh leh, ama khut pan na ngah uh Kha Siangtho sathau nilhna in note sungah kipin a om a, kuamah in note thu hong hilh ding na kisam kei uh hi. Ama’ Kha Siangtho sathau nilhna in note na khempeuh hong hilh a, tua Kha Siangtho sathau nilhna in thuman thutak hi a, thuzuau hi lo ahih ciangin note hong hilh mah bangin ama sungah kipin na om un.

1 PETER MASA 4:14

Khazih’ min hangin kosiatna na thuak uh leh, thupha na ngah ding uh hi. Bang hang hiam na cih uh leh, minthan’na tawh kipawl kha ahi Pasian’ Kha Siangtho in note tungah a om hi.

1 KORIN MASA 14:23

Tua ahih ciangin pawlpi khempeuh kikhawmin, pautuam dang tawh na kihilh lai takun a um lote ahi zongin, a siam lote ahi zongin hong tum leh, “Note mihai na hi uh,” hong ci ding uh hilo ahi hiam?

1 KORIN MASA 12:12

Pumpi in khat bek hi-in na tampi nei a, tua pumpi khat tungah nate tampi a om napi-in pumpi khat bek a om mah bangin Khazih in ahi hi.

1 KORIN MASA 11:18

Amasa bel thu in pawlpi kikhopna-ah na kikhop uh ciangin khat leh khat na kikhen thangna thu uh ka za hi. Ka zak bangin kimkhat hi takpi dingin ka um hi.

1 KORIN MASA 4:17

Tua hangin Topa’ nasepna pan a diktat, ka it ka ta Timoti note kiangah kong sawl hi. Mun khempeuh ah pawlpi khempeuh thu ka hilh mah bangin, kei in Khazih sungah ka gamtatnate amah in note hong phawksak ding hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.

Sawltak 14:23

Pawlpite khempeuh ah amaute’ adingin upate a koih sak uh a, an tangin thu a nget khit uh ciangin, amaute in a up uh Pasian’ khut sungah a ap uh hi.

Sawltak 11:27

Tua lai takin Jerusalem khua panin Antiok khua-ah Pasian’ kamsangte hong tung uh hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 6:5

Hih thu in mite lungkimsak ahih manin upna leh Kha Siangtho tawh a kidim Stefen akipan Filip, Prokhoras, Nikanor, Timon, Parmenas, Judah ngeina a zui Antiok khua mi Nikolas-te teel uh a, sawltakte mai-ah a koih uh hi.

Isaiah 65:15

Keima teel mite in ciamsiatna-in na min uh zang ding uh a, Topa Pasian in note hong that ding hi; ahih hangin ama nasemte pen min dang phuah ding hi.

Johan 2:2

Zeisu leh a nungzuite zong lawmvakna-ah a sam uh hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Sawltak 6:1

Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

Sawltak 9:19

tho-in a kibaptaiz khit ciangin an ne a, a thahat kik hi. Saul in Damaskas khua nungzuite tawh ni tawmkha omkhawm a,

Sawltak 9:38

Lidda khua in Joppa khua tawh kinai ahih ciangin Piter tua khua-ah a om ci-in nungzuite in a theih uh ciangin mi nih sawl uh a, “Zekai loin ko kiangah hong pai in,” ci-in a thuum uh hi.

Sawltak 11:29

Nungzuite in a hih theih zah ciat bangun Judah gamah a om u leh naute kiangah huhna sum khak dingin a vaihawm uh hi.

Sawltak 14:20

Ahih hangin nungzuite in ama kimkot ah a om lai takun tho a, khua sungah a tum kik hi. Zingsang ciangin Barnabas tawh taikhia a, Derbe khua-ah a tung uh hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Sawltak 14:28

Nungzuite tawh sawtpi a omkhawm uh hi.

Sawltak 18:27

Tua ciangin amah in Akhaia gamah pai a sawm ciangin, ute naute in tua lai-a om nungzuite in a tun’sak nadingun vaikhakna lai a pia uh a, a hansuah uh hi. Amah in a tun’ ciangin hehpihna thupha tawh a um mite nakpi-in a huh hi.

Sawltak 19:9

Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 20:1

Tua gamlumna a bei khit ciangin Paul in nungzuite sam a, a hansuah khit ciangin, amaute tawh kikhenin Makedonia gamah a pai hi.

Sawltak 20:30

Nungzuite a zolkhia dingin thuzuau a gen mite in note lakah a piang ding uh hi cih ka thei hi.

Sawltak 21:4

Tua lai-ah nungzuite ka muh uh ciangin ni sagih tawntung ka tam uh hi. Paul in Jerusalem khua ah pai lo dingin amaute in Kha Siangtho theihsakna tawh a gen uh hi.

Jeim 2:7

Note hong kiphuahna min ngaih amaute in a gensia uh hilo ahi hiam?