Sawltak 11:23 - Tedim Bible

²³ Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Tedim Bible Revision 2017

²³ Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Sawltak 11:23 Referans Kwoze

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Sawltak 13:43

Kikhopna a bei khit ciangin Judah mi leh Judah ngeina sungah a tum Pasian zahtak mi tampite in Paul leh Barnbas nung a zui uh a, Pasian’ hehpihna thupha sungah a kip nadingun amaute in thu hilhin, a hansuah uh hi.

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.

2 TIMOTI NIHNA 3:10

Nang na hih leh, keima thu hilhna, ka gamtatna, ka hanciamna, ka upna, ka lungduaina, ka itna, ka zawhna, ka thuak bawlsiatna leh gimna-a kipan,

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

3 JOHAN THUMNA 1:4

Ka tate in thuman thutak lam a zuih thu ka zak cianga ka nuamna sangin nuam zawkna a om kei hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.

Thu-hilhkikna 30:20

Topa na Pasian uh itin, ama thu mangin, amah beel un; bang hang hiam cih leh Topa in na pu na pate uh Abraham, Isaak, leh Jakob tungah piak dingin a kiciamsa leitangah note na teen’ theih nadingun tua in note adingin nuntakna leh khan’ sauna ahi hi,” a ci hi.

Thu-hilhkikna 10:20

Topa note’ Pasian na zahtak ding uh hi; ama na semin amah beelin, ama min tawh na kiciam ding uh hi.

Johan 15:4

Kei sungah om un. Keimah in zong note sungah ka om ding hi. Leenggah hiang in gui tungah a om kei leh, ama ut bangin a gah zo lo bangin, note in zong keima sungah na om kei uh leh, na gah zo kei ding uh hi.

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Joshua 22:5

Topa’ nasem Moses in note hong piak thupiakna leh thukham ahi, Topa na Pasian uh it ding, ama lampi khempeuh zuih ding, ama thupiakte zuih ding, amah belh ding, leh na lungsim khempeuh uh leh na nuntakna khempeuh uh tawh ama na nasep ding uh lim takin ngaihsun un,” a ci hi.

2 KORIN NIHNA 1:17

Tua bang ka hanciam ciangin lungkheel mi ka hi hiam? Ahih kei leh, keima kamin, “Ahi hi, ahi hi,” ci ding ahi zongin, “Ahi kei hi, ahi kei hi,” ci ding ka hi zongin a suah nadingin ka hanciamnate in ci leh sa lungsim ahi hiam?

Sawltak 20:32

Tu-in Pasian kiangah note kong pia hi. Note hong kipsak nading ahi zongin, misiangthote khempeuh tawh a kibangin note in luahna na ngah nading uh ahi zongin, ahih thei Pasian’ hehpihna thupha ah note kong ap hi.

Sawltak 15:40

Ute naute in Pasian’ hehpihna sungah Paul a ap khit uh ciangin amah in Silas samin a paikhia hi.

Marka 2:5

Zeisu in amaute’ upna a theih ciangin a khut-le-khe sipa kiangah, “Ka ta aw, na mawhnate kimaisak zo hi,” a ci hi.

Daniel 1:8

Daniel in kumpi inn sunga an leh leengahzu tawh a pumpi a thanghuai sak loh nadingin a lungsim a khentat hi. Amah in innsung mang lianpen Ashpenaz kiangah tua bang an a kipiak loh nadingin a ngen zaw hi.

Paunak 23:28

Gutate bangin nang hong buksim a, mi tampi tak siasak uh hi.

Paunak 23:15

Ka ta aw, mipil suak lecin, ka lungdam mahmah ding hi.

Late 17:3

Keima lungsim hong sin in la, zan-in nangmah ka kiangah hong hawh in la, keimah hong ze-et lecin, ka sungah gitlohna na mu kei ding hi; ka kam in khial lo hi.

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

ROM (Romans) 12:8

Hansuah mi in mi hansuah na sem ta hen. Hehpihna a pia mi in lungkimin pia ta hen. A uk mi in hahkatin uk ta hen. Midang a hehpih mi in hehpihna lungsim tawh pia ta hen.

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

Juda 1:4

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.

2 KUMPI NIHNATE 18:6

Bang hang hiam cih leh amah in Topa kip takin len hi; amah zuihna panin kihemkhia lo a, Topa in Moses a thupiak thupiaknate zui hi.