Sawltak 11:20 - Tedim Bible

²⁰ Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Tedim Bible Revision 2017

²⁰ Ahi zongin Saipras gam mi le Sairin khuami thu um mi pawl khatte Antiok khua ah pai uh a, Topa Jesu hanga Lungdamna Thu, Gentail mite kiangah zong a gen uh hi.

Sawltak 11:20 Referans Kwoze

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

Mattiu 27:32

A paikhiat lai takun a min Simon kici, Sairin mi khat mu uh a, zawhthawh bawlin Zeisu singlamteh pua dingin a zuisak uh hi.

Sawltak 6:9

Tua lai takin Sal Suakta a kici mipawlte akipan Sairin mi leh Alekzandria mi leh Kilikia mi leh Asia mi kimkhatte in a ding uh a, Stefen tawh a kiseel uh hi.

Sawltak 2:10

Frigia gam, Pamfilia gam, Izipt gam, Sairin khua kimkot Libia gam sungah a teeng mite, Rom khua pan hong pai zinte,

1 KORIN MASA 2:2

Bang hang hiam na cih uh leh, note lakah ka om lai takin Zeisu Khazih’ thu leh ama singlamteh thu longal, thudang ka ngaihsut loh nadingin ka lungsim ka hanciam hi.

Sawltak 17:18

Epikura leh Stoik lungpilte kimkhat in Paul tawh kidem uh a, kimkhatte in, “Hih kam tam pau theipa in bang gen nuam ahi hiam?” a ci uh hi. Kimkhatte in, “Hih pa in gamdang pasiante thu hilh hi leh kilawm hi,” a ci uh hi. Bang hangin hih bangin a gen uh hiam i cih leh, Paul in Zeisu leh hin’kikna thu a hilh hang hi.

Sawltak 9:29

lau loin Zeisu’ min tawh thu hilh a, Grik Judah mite tawh thu kinialin a om hi. Tuate in Saul thah nading a zong uh hi.

Sawltak 9:20

‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.

Sawltak 8:35

Filip in kam ka a, tua Lai Siangtho pan akipan Zeisu thu a gen hi.

Sawltak 8:5

Filip in Samaria khua-ah pai-in Khazih thu a gen hi.

Sawltak 5:42

Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

Johan 7:35

Tua ahih ciangin, Judah mite in, “Ei muh zawh loh dingin amah koilam pai ding hiam? A kitheh zak a, om Grik mite lakah pai ding a, Grik mite kiangah thu a hilh ding hiam?

Sawltak 6:1

Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

Sawltak 6:5

Hih thu in mite lungkimsak ahih manin upna leh Kha Siangtho tawh a kidim Stefen akipan Filip, Prokhoras, Nikanor, Timon, Parmenas, Judah ngeina a zui Antiok khua mi Nikolas-te teel uh a, sawltakte mai-ah a koih uh hi.

Sawltak 11:19

Stefen tungah kibawlsiatna thu hangin a kithehthang mite in Foenisia gam leh Saipras gam leh Antiok khua dongin a pai uh a, Judah mite kiang bekah Pasian’ thu a hilh uh hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 11:26

A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Sawltak 11:27

Tua lai takin Jerusalem khua panin Antiok khua-ah Pasian’ kamsangte hong tung uh hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 15:30

Tuate a kikhak khit uh ciangin Antiok khua-ah a pai uh a, mi honpi a kikhopsak khit uh ciangin laikhak a pia uh hi.

Sawltak 18:22

Paul in Kaisaria khua a tun’ khit ciangin pawlpite tawh kihopih dingin a paitoh khit ciangin Antiok khua-ah a paisuk hi.

Galati 2:11

Tua nung ciangin Antiok khua-ah Kefas hong pai ciangin amah mawhsak nading thu om ahih maninah, kei in amah tel takin nialin ka kham hi.