Sawltak 11:19 - Tedim Bible

¹⁹ Stefen tungah kibawlsiatna thu hangin a kithehthang mite in Foenisia gam leh Saipras gam leh Antiok khua dongin a pai uh a, Judah mite kiang bekah Pasian’ thu a hilh uh hi.

Tedim Bible Revision 2017

¹⁹ Stefen a kithah huna bawlsiatna hangin thu um mite tampi kithehthang uh hi. Mi pawl khatte Foenisia gam, Saipras gam le Antiok khua ciang dong tung uh a, Jew mite kiang bekah Pasianʼ thu a hilh uh hi.

Sawltak 11:19 Referans Kwoze

Sawltak 21:2

Foenisia gamah a pai ding teembaw khat ka muh uh ciangin tuangin ka pai uh hi.

Sawltak 15:35

Ahih hangin Paul leh Barnabas in Antiok khua-ah a om uh a, midangte tawh Topa’ thu hilhin a om uh hi.

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

Sawltak 15:3

Pawlpite in amau lampi-ah kha-in, Paul leh Barnabas in Foenisia leh Samaria gam lam a tawn uh a, Gentailte kiheina thu a zaksak uh ciangin ute naute in nakpi-in a lungdam uh hi.

Sawltak 4:36

Josef kici, “Hehnem’ Ta” cihnopna ahi sawltakte in Barnabas min a phuah thak uh,

Galati 2:11

Tua nung ciangin Antiok khua-ah Kefas hong pai ciangin amah mawhsak nading thu om ahih maninah, kei in amah tel takin nialin ka kham hi.

Sawltak 21:16

Kote Kaisaria khua nungzuite kimkhat in hong zui uh hi. Kote zin tun’ nading Manason min nei Saipras gam mi, nungzui a suah zawh a sawt zo, thu-um mipa’ innah hong kha uh hi.

Sawltak 18:22

Paul in Kaisaria khua a tun’ khit ciangin pawlpite tawh kihopih dingin a paitoh khit ciangin Antiok khua-ah a paisuk hi.

Sawltak 15:39

Tua thu hangin amaute khat leh khat a kinial ciangun a kikhen uh a, Barnabas in Marka a sap khit ciangin teembaw tungah tuangin Saipras gamah a pai hi.

Sawltak 13:46

Paul leh Barnabas in, “Note kiangah Pasian’ thu hilh masa dingin thu a om hi. Ahih hangin no na paikhia uh a, nuntak tawntungna ngah dingin kilawm kisa lo na hih uh ciangin, Pasian in kote thu hong piak mah bangin Gentailte kiangah ka kihei ding uh hi.

Sawltak 13:4

Tua bangin Kha Siangtho in amaute pai sak a, Seleukia khua-ah a paisuk uh hi. Tua khua panin teembaw tuangin Saipras gamah a tung uh hi.

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

Sawltak 3:26

Pasian in a Silapa hong thawhsak khit ciangin, note na vekpi un na khialhna uh pan hong kikheelsakin, note thupha hong pia dingin note kiangah hong paisak masa hi,” a ci hi.

Johan 7:35

Tua ahih ciangin, Judah mite in, “Ei muh zawh loh dingin amah koilam pai ding hiam? A kitheh zak a, om Grik mite lakah pai ding a, Grik mite kiangah thu a hilh ding hiam?

Mattiu 10:6

Israel pawl a gammang tuute kiangah na pai zaw un,

Sawltak 6:5

Hih thu in mite lungkimsak ahih manin upna leh Kha Siangtho tawh a kidim Stefen akipan Filip, Prokhoras, Nikanor, Timon, Parmenas, Judah ngeina a zui Antiok khua mi Nikolas-te teel uh a, sawltakte mai-ah a koih uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.

Sawltak 15:30

Tuate a kikhak khit uh ciangin Antiok khua-ah a pai uh a, mi honpi a kikhopsak khit uh ciangin laikhak a pia uh hi.