Sawltak 11:14 - Tedim Bible

¹⁴ Tua pa in nangmah leh na innkuanpihte gupna na ngah nadingun hong hilh ding hi,’ hong ci hi’ ci-in hong gen hi.

Tedim Bible Revision 2017

¹⁴ Amah in nang le na innkuan khempeuh un hotkhiatna na ngah nading uh thu hong gen ding hi,’ a cihna thu a hong gen hi.

Sawltak 11:14 Referans Kwoze

Sawltak 16:15

Amah in a innkuanpihte tawh a kibaptaiz khit ciangin, “Keimah in Topa sungah thu-um mi khat ka hihna nong up uh leh, keima innah hong tung un la, tam un,” ci-in thuumin, hong kho hi.

Sawltak 10:22

amaute in, “Pasian a kihta, Judah mi khempeuh in a zahtak, midik, galkap mangpa Kornelias in nangmah hong sam a, nangmah kiang pan thu a zak nading, vantungmi siangtho khat in thu a pia hi,” a ci uh hi.

Sawltak 10:6

Tua pa in tuipi gei-ah a om, savun bawlpa Simon’ innah a tung hi,” a ci hi.

Sawltak 10:2

Tua mi in a diktat mi hi a, a innkuanpihte tawh Pasian kihta a, mite tungah hehpihna tampi pia a, Pasian kiangah thungen nilohin a om hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Piancilna 17:7

Nang leh nang’ khit cianga na suan-le-khakte' tungah Pasian ka hihna ding tawntung thuciam nadingin kei leh nang leh nang’ khit cianga na suan-le-khakte’ kikal-ah amau' khang tawntungin ka thuciamna ka kipsak ding hi.

Johan 12:50

Ama hong thupiakna in nuntak tawntungna ahi hi ci-in ka thei hi. Tua ahih ciangin ka hilhna teng Pa in keima kiangah hong piak bangin a hilh ka hi hi,” ci-in a kiko hi.

Johan 6:63

Nuntakna a piapa in kha ahi hi. Sa in phattuamna a pia zo kei hi. Note kiangah kong thugenna in kha leh nuntakna ahi hi.

Johan 4:53

Tua hun in, “Na tapa a nungta ding hi,” ci-in Zeisu in a cih hun ahi hi ci-in a theih ciangin, amah akipan a innkuanpihte khempeuh tawh Zeisu thu a um uh hi.

Luka 19:10

Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

Marka 16:16

Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi.

Jeremiah 32:39

Amaute’ hoih nading leh amaute’ nung-a a tu a tate uh’ hoih nadingin a tawntungin kei hong zahtak nadingun lungsim kikhat leh nuntakdan kikhat ka pia ding hi.

Paunak 20:7

Mi khat thumanin a hoihin a nuntak leh, ama suan-le-khakte mi hampha ahi uh hi.

Late 112:2

Ama suan-le-khakte in leitungah vanglian ding a, lungsim thutang a nei mipa’ suan-le-khakte’ thupha kipia ding hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

1 KORIN MASA 1:16

Stefanas-te innkuan zong ka baptaiz hi. Midangte ka baptaiz lam ka thei kei hi.

Sawltak 18:8

Kikhopna inn ukpa Krispas in ama innkuanpihte tawh Topa a um hi. Korin mi tampite in zong thu ngai uh a, umin a kibaptaiz uh hi.

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Johan 6:68

Simon Piter in, “Topa aw, kote in kua kiangah pai ding ka hi uh hiam?

Sawltak 11:13

Amah in, ‘Vantungmi khat in ka inn sungah ding-a om ka mu a, ‘Joppa khua-ah a min thak Piter kici Simon sam dingin sawl in.