Sawltak 11:12 - Tedim Bible

¹² Kha Siangtho in, ‘Na lung himawh sak loin amau tawh na paikhawm in,’ hong ci hi. Hih unau gukte in zong keimah tawh a paikhawm uh a, tua mipa’ innah a tum uh hi.

Tedim Bible Revision 2017

¹² Lunghiang loin amaute ka zuih pah nadingin Kha Siangtho in kei tungah hong gen khinzo hi. Joppa khua panin hih i sanggam gukte in zong Sisaria khua ah hong zui uh a, ka vekpi-un Kornelias inn ah ka lut uh hi.

Sawltak 11:12 Referans Kwoze

Sawltak 8:29

Kha Siangtho in, “Tua leeng va nai in la, beel in,” ci-in Filip kiangah thu a piak ciangin Filip in ama kiangah tai a,

ROM (Romans) 3:22

Kilamdan’na neukha beek a om kei hi.

2 THESALONIKA NIHNA 2:2

Topa’ Ni a hong tun’ hun a nai zo bangin kamsan’na hang ahi zongin, kam pan pusuak thu hang ahi zongin, kote kiang pan hong khak uh lai hang ahi zongin, note in lungkiatna leh lunghimawh lin’na a manlangin na thuak loh nadingun ka hong thuum uh hi.

Sawltak 10:23

Tua ahih ciangin Piter in tuate inn sungah sam a, a tung sak hi. Zingsang ciangin Piter tho a, amaute tawh a paikhawm hi. Joppa khua unau kimkhatte in zong a zui uh hi.

Sawltak 15:9

amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

Sawltak 10:45

Piter tawh a paikhawm Pasian thu-um vunatte khempeuh in Gentailte tungah Kha Siangtho a tung a muh uh ciangin a lungmang uh hi.

Johan 16:13

Ahih hangin thuman thutak Kha Siangtho hong tun’ ciangin, thuman thutak a vekpi-in note hong hilh ding hi. Bang hang hiam na cih uh leh, ama ut bang hong gen ahi kei hi, a zaksa thu khempeuh hong gen ding hi. Anung ciangin hong piang ding thu khempeuh zong hong hilh ding hi.

Mattiu 1:20

Tua banga a lungngaih lai takin a mang sungah Pasian’ vantungmi khat kilang a, “David’ suan Josef aw, na lawmnu Mari na ten’pih dingin lunghimawh kei in. Ama gaina in Kha Siangtho in a gaisak hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

Sawltak 15:7

A tampi mah a kiseel khit uh ciangin Piter in ding a, thu a gen-inah: “Ute naute aw, Topa Pasian in a masa-in note lak pan keima kam tawh Gentailte in Lungdamna Thu za uh a, a up nadingun hong teel na thei uh hi.

Sawltak 13:4

Tua bangin Kha Siangtho in amaute pai sak a, Seleukia khua-ah a paisuk uh hi. Tua khua panin teembaw tuangin Saipras gamah a tung uh hi.

Sawltak 13:2

Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Sawltak 11:13

Amah in, ‘Vantungmi khat in ka inn sungah ding-a om ka mu a, ‘Joppa khua-ah a min thak Piter kici Simon sam dingin sawl in.

Sawltak 28:15

Rom khua-ah a om ute naute in kote paina thu a zak uh ciangin hong dawn ding kimkhatte in Appias Sumbuk dongin, kimkhatte in Mangbuk Thum dongin hong pai uh hi. Paul in tua mite a muh ciangin Pasian’ hehpihna phatin a lungdam uh hi.