Sawltak 10:43 - Tedim Bible

⁴³ Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Tedim Bible Revision 2017

⁴³ Amah a um mite khempeuh in ama min hangin a mawhna uh a mai nading thu, kamsangte khempeuh in zong gen belin a neih khat uh ahi hi,” a ci hi.

Sawltak 10:43 Referans Kwoze

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

ROM (Romans) 10:11

“Amah a um mi peuhmah in zumna a thuak kei ding hi,” ci-in Lai Siangtho sungah a kigelh hi.

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

ROM (Romans) 5:1

Tua ahih ciangin i upna tawh dikkisakna i ngah ahih ciangin eite Topa Zeisu Khazih hangin Pasian tawh i kilem hi.

ROM (Romans) 8:1

Tua ahih ciangin si-le-sa deihna bangin kalsuan loin Kha deih bangin a kalsuan, Khazih sungah a om mite in mawhna thukhenna tawh a kipelh zo uh hi.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

Sawltak 26:22

Tua ahih ciangin Pasian kiang panin huhna ka ngah khit ciangin tuni dongin ka om a,

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Sawltak 15:9

amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

Sawltak 3:16

Tua min upna hangin tua Topa’ min in na muh na theih uh hih mi a hatsak hi. Ahi hi, tua Zeisu hanga kingah upna in nomau khempeuh mai-ah hih mi a kicingsak zo hi.

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Marka 16:16

Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

Galati 3:22

Tu-in ahih leh, a um mite in Zeisu Khazih upna tawh kipawl kiciamna a ngah nadingun Lai Siangtho in na khempeuhte mawhna sungah a khakcip hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Kolose 1:14

Tua a Tapa’ sisan hangin i mawhnate maisakna ahi hong tatkhiatna thupha i ngah hi.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

Sawltak 3:18

Amah Khazih in gimna a thuak ding hi ci-in Pasian in kamsang khempeuhte’ kam tawh a genkholh bangin a tungsak khin zo hi.

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

ROM (Romans) 3:21

Tu-in Thukhamna leh kamsangte in teci a pan’ uh mah bangin, thukham loin Zeisu Khazih sungah thu-um mite khempeuh tungah upna hangin hong tung Pasian’ dikna kilang hi.