Sawltak 10:41 - Tedim Bible

⁴¹ mi khempeuh’ mai hi lo, Pasian’ teel kholhsa a teci, kote bek mai-ah hong kilat nadingin thu a pia hi. Sihna pan a thawhkik khit ciangin amah tawh an ka nekhawm uh hi.

Tedim Bible Revision 2017

⁴¹ Mi khempeuh tungah kilangsak loin, a thei teci dingin Pasian in a hong teel sa kote bek tungah hong kilangsak hi. Sihna panin a hinkik khit ciangin kote in amah tawh an nekhawm tui dawnkhawmin ka om uh hi.

Sawltak 10:41 Referans Kwoze

Johan 14:22

Judas Iskariot hi lo adang Judas in, “Topa ko kiangah na kilat hangin, leitung mite kiangah bang hang kilang lo ding na hi hiam?” a ci hi.

Johan 21:13

Zeisu hong pai a, khomun leh ngasa a lak khit ciangin amaute a pia hi.

Johan 14:17

Tua Kha Siangtho leitung mite in mu loin thei lo uh ahih ciangin a sang zo kei uh hi. Tua Kha Siangtho in note tawh omkhawmin, note sungah om ding ahih ciangin amah na thei ding uh hi.”

Sawltak 10:39

Judah gam sung leh Jerusalem khuapi sungah a bawl na khempeuh’ teci ka hi uh hi. Amaute in amah singkhuam tungah khai-in a that uh hi.

Sawltak 13:31

Galile gam panin Jerusalem khua-ah nungzuite mai-ah ni tampi sung a kilang hi. Tua mite in mite mai-ah tu lai takin amah ading teci ahi uh hi.

Sawltak 1:22

kote tawh a tawntung a kikhawl mite sung panin khat in kote tawh Zeisu’ thawhkikna thu teci a suak ding hi,” a ci hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Luka 24:30

Sabuai-ah amaute tawh a tutkhawm lai takin khomun la a, hehpihna a phat khit khit ciangin khomun balneenin a pia hi.

Luka 24:48

Hih thute-ah teci na hi uh hi.

Johan 14:19

Tawlkhat khit ciangin leitung mite in kei hong mu lo ding uh hi. No na hih uh leh, nong mu ding uh hi. Keimah nungta ka hih ciangin, note zong na nungta ding uh hi.

Johan 15:27

Note in zong a cil pan akipan kei tawh omkhawm na hih uh ciangin, teci na pang ding uh hi.”

Sawltak 1:4

Tua sawltakte tawh a omkhawm lai takin, Jerusalem khuapi panin paikhia loin, “Keimah kiangah na zaksa uh Pa’ kamciamna letsong na ngak un.