Sawltak 10:4 - Tedim Bible

⁴ Amah in entel a, lau mahmah ahih ciangin, “Topa aw, bang ahi hiam?” a ci hi. Vantungmi in, “Na thungetna leh hehpihna na piak teng Pasian in a ngaihsut nadingin hong kahto zo hi.

Tedim Bible Revision 2017

⁴ Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

Sawltak 10:4 Referans Kwoze

Filippi 4:6

Bangmah thu-ah lungmang loin, na khempeuh ah hehpihna phatin na nget nopnate uh Pasian kiangah na ko un.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Malakhi 3:16

Topa a zahtak mite khat leh khat in tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Sawltak 10:31

Kornelias aw, na thungetna teng ka za zo hi. Na hehpihna na piak teng Pasian in a ngaihsun zo hi.

Mangmuhna 8:4

Tua misiangthote thungetna tawh, paknamtui khu in zong tua vantungmi khut sung pan Pasian mai-ah tungto hi.

Late 141:2

Ka thungetna pen nangma mai-ah paknamtui, ka khutte ka laptohna pen nitak biak piakna bangsak in!

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Luka 1:29

Mari in tua thugenna hangin lungmang a, “Hih hopihna in bangci bang hopihna ahi ding hiam?” ci-in a ngaihsun hi.

Mattiu 26:13

Ke’n aman takpi kong cih-inah, hih Lungdamna Thuhilhna mun leitung khempeuhah hih numei a kiphawk nadingin ama hong bawlna thu kigen ding hi,” a ci hi.

Daniel 10:11

Amah in, “Daniel hong kizahtak mahmah pa aw, Ding in la, kong thu gente limtakin ciamteh in. Na kiangah thu gen dingin kei hong kisawl zo hi,” a hong ci hi. Amah in hi thu teng a hong gen khit ciangin liing kankan kawmin ka ding hi.

Isaiah 43:26

Kei hong phawksak in la, thu kikum khawm ni; na dikna a kilat nadingin na thu hong sung khia in.

2 KHANG TANGTHU NIHNATE 32:24

Tua hun lai-in Hezekiah cina-in si dektak a, amah in Topa tungah thu ngen hi; tua ciangin amah in a ngetna pia-in ama tungah lim khat pia hi.

2 KHANG TANGTHU NIHNATE 6:33

na teenna mun vantung panin za in la, gamdang mipa in na tungah hong ngetna khempeuh tawh kizui-in hih in; tua hi leh nangma mi Israelte mah bangin leitung mi khempeuh in na min thei-in nang hong zahtak ding uh a, keima lamsa hih inn in nangma min tawh a kilo ahihna thei ding uh hi.

1 SAMUEL MASA 3:10

Topa hong pai-in ding khia-in a hun dangte-a mah bangin, “Samuel! Samuel!” ci-in a sam hi. Tua ciangin Samuel in, “Hong gen in, na nasempa in za hi,” a ci hi.

Sawltak 22:10

Keimah in zong, ‘Topa aw, bang ka hih ding hiam?’ ci-in ka dot ciangin, ‘Tho in la, Damaskas khua sungah na tum ding hi. Tua khua panin na nasep ding vaikhakna thu khempeuh hong kihilh ding hi,’ hong ci hi.

Luka 24:5

Numeite in kihta ahih manunah boksukin a om lai takun tua tangvalte in, “Note in misite lakah a nungta mi bang hangin zong na hi uh hiam?

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Siampi Laibu 2:2

tua ciangin Aaron’ suan siampite kiangah paipih ding hi. Tua ciangin amah in annel khut dim khat leh sathau, a paknamtui khempeuh tawh la ding hi; siampipa in hih pen Topa’ adingin a gim namtui, mei tawh biakna, phawkna-in biakna tau tungah hal ding hi.

Late 20:3

Na biakpiaknate khempeuh amah in hong phawk hen la, na meihal biakpiakna hong sang ta hen.

Sawltak 3:4

Piter leh Johan in tua pa lim takin en uh a, “Hong en in,” a cih uh ciangin,

Sawltak 14:9

Amah in Paul’ thu a ngaih lai takin Paul in amah a tel-et ciangin a dam theih nading upna a neih a muh ciangin,