Sawltak 10:37 - Tedim Bible

³⁷ Johan in baptaizna thu a hilh khit ciangin Galile gam pan akipan Judah gam mun khempeuh dongin a kihilh khin thu note in na thei uh hi.

Tedim Bible Revision 2017

³⁷ Johan in tuiphumna thu a hilh khit a kipanin Galilee gam a kipan Judea gam khempeuh ah a piang thu lianpite na thei uh hi.

Sawltak 10:37 Referans Kwoze

Luka 4:14

Zeisu in Kha Siangtho’ vangliatna tawh, Galile gamah ciahkik hi. Ama thu a kimkot gam khempeuh ah kizeelin a thang hi.

Sawltak 28:22

Ahih hangin hih biakna in gam khempeuh ah kosiatna a thuak cih thei ka hih manun, na upna thu nangma kiang pan ka ngai nuam uh hi,” a ci uh hi.

Sawltak 26:26

Bang hang hiam na cih leh, kumpipa mai-ah ka gen ngam hih thute kumpipa in a thei hi. Hih thu a thei lo khat beek a om kei hi ci-in ka sin sungah ka um hi. Bang hang hiam na cih leh, hih thute a kilang lo-na munah kibawl ahi kei hi.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Sawltak 1:22

kote tawh a tawntung a kikhawl mite sung panin khat in kote tawh Zeisu’ thawhkikna thu teci a suak ding hi,” a ci hi.

Luka 23:5

Amaute kiko semsemin, “Amah in Galile gam pan akipan hih lai gam dongin, Judah gam sung khempeuh ah thu hilhin mi a zol hi,” a ci uh hi.

Mattiu 2:1

Judah gam Herod Kumpipa a man’ lai takin, Bethlehem khua-ah Zeisu a suah khit ciangin mipilte in ni suahna gam lam panin Jerusalem khuapi-ah tung uh a, tu lai taka suak Judah kumpipa koi lai takah om hiam?

Mattiu 3:6

amau mawhna khialhna pulakin Jordan gun sungah ama khut tungah kibaptaiz uh hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.