Sawltak 10:31 - Tedim Bible

³¹ Kornelias aw, na thungetna teng ka za zo hi. Na hehpihna na piak teng Pasian in a ngaihsun zo hi.

Tedim Bible Revision 2017

³¹ ‘Kornelias aw, Pasian in na thungetnate hong za a, mizawngte na huhnate zong a hong thei hi.

Sawltak 10:31 Referans Kwoze

Sawltak 10:4

Amah in entel a, lau mahmah ahih ciangin, “Topa aw, bang ahi hiam?” a ci hi. Vantungmi in, “Na thungetna leh hehpihna na piak teng Pasian in a ngaihsut nadingin hong kahto zo hi.

Luka 1:13

Vantungmi in, “Zekhariah aw, lau kei in. Na thungetna hong ngai zo hi. Na zi Elisabeth in tapa khat nang ading a nei ding hi. Tua tapa’ min Johan na phuak ding hi.

Daniel 10:12

Tua ciangin amah in, “Daniel aw, lau kei in. Kiniamkhiat dinga na lungsim na khentat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.

Daniel 9:23

Pasian tunga thuum dinga na kisak lai takin Amah in a hong za zo hi. Pasian in nang hong it ahih manin, tua thu gen dingin ka hong pai zo hi. Tu in, tua mangmuhna thu ka hong hilh tel lai takin, ciamteh in.

Mangmuhna 5:8

Tua lai takin gawsemte tawi tham loin, misiangthote’ thungetna ahi, paknamtui tawh a dim kham haite a tawi tek uh a, ganhing li tawh upa sawmnih leh lite in Tuuno mai-ah bokin:

Isaiah 38:5

“Pai in la, Hezekiah kiangah gen in, Topa, na pa David’ pasian in hih bangin ci hi: Na thungetna ka za khin a, na khitui ka mu khin hi; en in, na nuntakna kumsawm leh kumnga kong piak beh ding hi.

Siampi Laibu 5:12

Amah in siampipa kiangah paipih ding a, siampipa in phawkna-in khut dim khat la-in Topa tungah mei tawh kihal biakna, biakna tau tungah hal ding hi; tua in khialhna hanga biakna ahi hi.

Siampi Laibu 2:9

Siampipa in an tawh biakna panin a phawkna biakna teng la-in, Topa tungah a gim namtui, mei tawh biakna-in biakna tau tungah hal ding hi.

Siampi Laibu 2:2

tua ciangin Aaron’ suan siampite kiangah paipih ding hi. Tua ciangin amah in annel khut dim khat leh sathau, a paknamtui khempeuh tawh la ding hi; siampipa in hih pen Topa’ adingin a gim namtui, mei tawh biakna, phawkna-in biakna tau tungah hal ding hi.

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Sawltak 10:30

Kornelias in, “Tuni-in ni li a phak zawh ni, tu hun lai tak nai thum thungetna ka inn sungah ka bawl lai takin, puan taang mahmah a silh mi khat in ka mai-ah a ding hi.

Sawltak 10:32

Tua ahih ciangin Joppa khua-ah mi paisak in la, a min thak Piter kici Simon va samsak in. Tua pa in tuipi gei savun bawlpa Simon’ innah a tung hi,” ci-in thu a hong pia hi.