Sawltak 10:24 - Tedim Bible

²⁴ Zingsang ciangin Kaisaria khua-ah a lut uh hi. Kornelias in a behte, a lawmte kikhawm sakin, lamenin a om hi.

Tedim Bible Revision 2017

²⁴ A zing ciangin Sisaria khua a tung uh hi. Kornelias in zong amauteʼ tun ding lamen ahih manin, a beh a phungte le a lawm it teng a inn ah a na sam khol hi.

Sawltak 10:24 Referans Kwoze

Sawltak 8:40

Ahih hangin Filip Azotas khua-ah kimu hi. Tua khua panin Kaisaria khua dongin khua khempeuh ah pai kawikawi-in Lungdamna Thu a hilh hi.

Luka 5:29

Levi in ama innah lawmvakna pawi a bawl hi. Siahdongte leh midang tampite in amaute tawh an ne-in a tu khawm uh hi.

Zekhariah 3:10

Tua ni ciangin note khempeuh in leenggui leh theikungte hau-in nuam na sa ding uh a, na veengte ciat un hong nekpihin hong lungdampih nadingun na sam ding uh hi, Vanglianpen Topa in ci hi,” a ci hi.

Micah 4:2

Minam tampite hong pai-in, “Jakob’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topa’ thu hong pai khia hi.

Isaiah 2:3

mi tampite hong pai-in: “Hong pai un, amah in ama zia-le-tongte eite hong hilh theih nading leh ama lampite i zuih theih nadingin Jakob’ Pasian’ inn, Topa’ mual-ah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Mattiu 16:13

Zeisu in Filippi-Kaisaria khua a tun’ ciangin, “Mite in kei, Mihing Tapa kua mi hi hong ci uh hiam?” ci-in a nungzuite a dong hi.

Sawltak 10:1

Kaisaria khua-ah Italy kici galkap kuan khat a uk, galkapbu Kornelias kici mi khat a om hi.

Sawltak 10:27

Amah in Kornelias tawh a kihopih lai takin inn sungah tum uh a, mi tampi kikhawmin a om uh a mu hi.