Sawltak 10:23 - Tedim Bible

²³ Tua ahih ciangin Piter in tuate inn sungah sam a, a tung sak hi. Zingsang ciangin Piter tho a, amaute tawh a paikhawm hi. Joppa khua unau kimkhatte in zong a zui uh hi.

Tedim Bible Revision 2017

²³ Tua ahih manin amah tawh a giak khawm dingin Peter in amaute a sam hi. A zing ciangin Peter zong kithawi-in amaute tawh pai khawm a, Joppa khua-a om thu um mi pawl khatte in zong a zui uh hi.

Sawltak 10:23 Referans Kwoze

Sawltak 11:12

Kha Siangtho in, ‘Na lung himawh sak loin amau tawh na paikhawm in,’ hong ci hi. Hih unau gukte in zong keimah tawh a paikhawm uh a, tua mipa’ innah a tum uh hi.

Sawltak 10:45

Piter tawh a paikhawm Pasian thu-um vunatte khempeuh in Gentailte tungah Kha Siangtho a tung a muh uh ciangin a lungmang uh hi.

1 PETER MASA 4:9

Phun loin khat leh khat zin na kido un.

Hebru 13:2

Zinte do nading na mangngilh kei un. Bang hang hiam na cih uh leh, mi kimkhat in zin a do laitakun vantungmite ahih lam thei loin zin a do kha uh hi.

2 KORIN NIHNA 8:21

Bang hang hiam na cih uh leh, Topa mai bek hi lo, mite mai-ah zong a kilawm a kituaka gamtat ding ka hanciam uh hi.

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Sawltak 10:29

Tua ahih ciangin kei nong sap uh ciangin seel loin ka hong pai hi. Tua ahih ciangin bang thu-in kei hong sam na hi uh hiam?” a ci hi.

Sawltak 9:42

Tua thu in Joppa khua-ah kithei khin a, mi tampi in Topa a um uh hi.

Sawltak 9:38

Lidda khua in Joppa khua tawh kinai ahih ciangin Piter tua khua-ah a om ci-in nungzuite in a theih uh ciangin mi nih sawl uh a, “Zekai loin ko kiangah hong pai in,” ci-in a thuum uh hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Sawltak 9:36

Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.

Sawltak 28:15

Rom khua-ah a om ute naute in kote paina thu a zak uh ciangin hong dawn ding kimkhatte in Appias Sumbuk dongin, kimkhatte in Mangbuk Thum dongin hong pai uh hi. Paul in tua mite a muh ciangin Pasian’ hehpihna phatin a lungdam uh hi.