Sawltak 10:20 - Tedim Bible

²⁰ Tho in la, kumsuk in. Lunghimawh kei in la, amau tawh na paikhawm in. Bang hang hiam na cih leh, tuate keimah in kong sawl hi,” a ci hi.

Tedim Bible Revision 2017

²⁰ Amaute nang kiangah a hong pai dingin ka hong sawl ahih manin kithawi-in kum suk inla, lunghiang loin amaute zui pah in,” a ci hi.

Sawltak 10:20 Referans Kwoze

Sawltak 13:4

Tua bangin Kha Siangtho in amaute pai sak a, Seleukia khua-ah a paisuk uh hi. Tua khua panin teembaw tuangin Saipras gamah a tung uh hi.

Sawltak 9:17

Ananias pai a, inn sungah lutin Saul tungah a khut nga a, “Ka nau Saul aw, na paina lampi-ah na kiangah hong kilang Topa Zeisu in khua na muhkik theih nading ahi zongin, Kha Siangtho tawh na dim nading ahi zongin, kei hong sawl hi,” a ci hi.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

Sawltak 8:26

Pasian’ vantungmi khat in Filip kiangah, “Nang tho in la, Jerusalem khua panin Gaza khua lam paina khanglam pai in,” ci-in a gen mah bangin Filip tho a, a pai hi. Tua mun in gamlak ahi hi.

Marka 16:15

“Note leitung khempeuh ah vak kawikawi un la, mi khempeuh kiangah Lungdamna Thu na hilh un.

Isaiah 48:16

Kei kiangah hong nai un la, hih thu za un: a kipat cil-a kipanin a simthamin thu ka gen kei a, tua thu hong pian’ akipanin kei ka om hi. (Tu-in Topa Pasian in a Kha tawh kei hong sawl hi.)

Sawltak 10:21

Piter in tua mite kiangah kumsuk a, “Na zon’ uh mi ka hi hi. Bang thu om a, hong pai na hi uh hiam?” ci-in a dot ciangin

Sawltak 11:12

Kha Siangtho in, ‘Na lung himawh sak loin amau tawh na paikhawm in,’ hong ci hi. Hih unau gukte in zong keimah tawh a paikhawm uh a, tua mipa’ innah a tum uh hi.

Jeim 1:6

Ahih hangin um khial loin upna tawh ngen ta hen. Bang hang hiam na cih uh leh, upkhialhna a nei mi in huih nunga kilok thei tui kilok tawh kibang hi.