Sawltak 10:2 - Tedim Bible

² Tua mi in a diktat mi hi a, a innkuanpihte tawh Pasian kihta a, mite tungah hehpihna tampi pia a, Pasian kiangah thungen nilohin a om hi.

Tedim Bible Revision 2017

² Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpi takin na sem a, Pasian kiangah thu a ngen tawntung mi khat ahi hi.

Sawltak 10:2 Referans Kwoze

Sawltak 10:4

Amah in entel a, lau mahmah ahih ciangin, “Topa aw, bang ahi hiam?” a ci hi. Vantungmi in, “Na thungetna leh hehpihna na piak teng Pasian in a ngaihsut nadingin hong kahto zo hi.

Sawltak 10:22

amaute in, “Pasian a kihta, Judah mi khempeuh in a zahtak, midik, galkap mangpa Kornelias in nangmah hong sam a, nangmah kiang pan thu a zak nading, vantungmi siangtho khat in thu a pia hi,” a ci uh hi.

Sawltak 13:16

Tua lai takin Paul ding a, a khut vaanin thu a hilh inah: “Israel mite leh Pasian kihta-te aw, ngai un.

Sawltak 10:35

Mipawl khempeuh lakah amah kihta uh a, thuman thutak a bawlte amah in a sang hi.

Sawltak 10:7

Ama kiangah a gen vantungmi a paikhiat khit ciangin Korenelias in a nasem nih leh ama nasem niloh Pasian a zahtak galkap khat sam a,

Sawltak 8:2

Thu a zahtakte in Stefen a vui uh a, ama hangin nakpi-in a kap uh hi.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Sawltak 18:8

Kikhopna inn ukpa Krispas in ama innkuanpihte tawh Topa a um hi. Korin mi tampite in zong thu ngai uh a, umin a kibaptaiz uh hi.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

1 THESALONIKA MASA 5:17

Thungen niloh un.

Kolose 4:2

Thungen tawntung un la, hong hehpihna phatin ngak un.

Sawltak 22:12

“Tua lai takin thukham lamsangah mawhsakna a om lo, tua san takah a om Judah mi khempeuh tungah minphatna a ngah,

Sawltak 13:50

Ahih hangin Judah mite in Pasian a zahtak numei liante leh khua sung miliante a hansuah uh a, Paul leh Barnabas bawlsia-in, amau khua sung pan a hawlkhia uh hi.

Sawltak 10:31

Kornelias aw, na thungetna teng ka za zo hi. Na hehpihna na piak teng Pasian in a ngaihsun zo hi.

Sawltak 9:36

Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

Sawltak 9:11

Topa in “Tho in la, Tang a kici lampi-ah pai in; Saul kici Tarsas mi, Judah innah va zong in.

Luka 18:1

Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Daniel 6:20

Humpinelkai koihna khuk a tun’ dektak lai takin aw liing kawmin, “Daniel, a nungta Pasian nasempa! Thuman taka na biak tawntung na Pasian in humpinelkai’ kam sung panin a hong honkhia thei hiam?” ci-in a kiko hi.

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Thuhilh-sia 7:18

A nih tuakin lenkip in. Pasian na zahtak nak leh, khatpeuhpeuh na zuihna-ah na ma vang ding hi.

Late 119:2

Ama thuhilhnate zui a, amau lungsim khempeuh tawh amah zongin, khialhna zong bawl lo a, ama lampi a zuite in thupha ngah ahi hi!

Late 102:15

Minamte in Topa hong zahtak-in, leitung kumpi khempeuh in nangma minthan’na hong zahtak ding uh hi.

Late 88:1

Topa, ka Pasian aw, sun-in huhna kong ngen a, zan-in nangma mai-ah kong kiko hi.

Late 86:3

Nangmah in ka Pasian na hi hi, Topa aw, sun tawntung nang tungah hong kiko ka hih ciangin kei hong hehpih in.

Late 55:17

Nitak, zingsang leh sunin, ka gimna leh ka thumna ka gen hi, amah in ka aw hong za ding hi.

Late 41:1

Mi gentheite a khual mi in thupha ngah ahi hi. Topa in haksatna hunah amah honkhia hi.

Late 25:5

Na thuman sungah kei hong paipih in la hong hilh in, bang hang hiam cih leh nangmah in ka kihotkhiatna Pasian na hi hi; sunthapai-in nang kong ngak hi.

JOB (Job) 1:5

Tua banga a pawi bawl uh vial khat a kikhit ciangin Job in a tapate samin amaute sian’suah a, zingsangin tho baihin a ta phazah tawh kizui-in meihal biakna pia hi; bang hang hiam cih leh Job in, “Ka tate khialin, a lungsim sung uh ah Pasian samsia kha thei ding uh hi,” a ci hi. Hih bangin Job in hih tawntung hi.

JOB (Job) 1:1

Uz gamah Job kici min nei mi khat om hi; tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah pel hi.

2 KHANG TANGTHU NIHNATE 6:33

na teenna mun vantung panin za in la, gamdang mipa in na tungah hong ngetna khempeuh tawh kizui-in hih in; tua hi leh nangma mi Israelte mah bangin leitung mi khempeuh in na min thei-in nang hong zahtak ding uh a, keima lamsa hih inn in nangma min tawh a kilo ahihna thei ding uh hi.

1 KUMPI MASATE 8:43

na ten’na vantung panin za in la, tua gamdang mipa in nang tungah hong ngetna khempeuh tawh kizui-in hih in; nangma mi Israelte mah bangin leitung mi khempeuh in na min thei-in nang hong zahtak nading, leh hih ka lamsa inn in nangma min tawh a kilo a hihna a theih nading uh ahi hi.

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

Sawltak 2:5

Tua lai takin van nuai gam khempeuh panin a hong pai, Pasian a zahtak Judah mite Jerusalem khua-ah a om uh hi.

Sawltak 11:14

Tua pa in nangmah leh na innkuanpihte gupna na ngah nadingun hong hilh ding hi,’ hong ci hi’ ci-in hong gen hi.

Mattiu 25:17

Tua mah bangin talen nih sangpa in zong, adang amet talen nih mah a ngah hi.