Sawltak 10:14 - Tedim Bible

¹⁴ Piter in, “Topa aw, hi thei lo ding hi. Bang hang hiam na cih leh, a siangtho lo na leh a nin na ke’n khatvei beek ka ne ngei kei hi,” a ci hi.

Tedim Bible Revision 2017

¹⁴ Ahi zongin Peter in, “Topa aw, tuate go-in ka ne het kei ding hi. A ninin a kingaihsun peuhmah ka ne ngei het kei hi,” ci-in a dawng hi.

Sawltak 10:14 Referans Kwoze

Siampi Laibu 20:25

Tua ciangin note in a siang ganhing leh a nin ganhing, a nin vasa leh a siang khentelna na bawl ding uh hi; note in nin hi ci-in na seh dingun keimah in ka tuam koihsa ahi ganhing hita leh vasa hita leh leitunga a pai thei khatpeuh peuh tawh hita leh note a kihhuai-in na kibawl kei ding uh hi.

Ezekiel 4:14

Ahi zongin kei zong ka dawng kik a, “Topa Pasian aw, cik mah-in kei ka kininsak ngei kei hi. Ka neu tunga kipan tu dongin ama thu-in a si tawm ganhing sa ahi a, gamsate’ nekbaang ahi zongin ka ne ngei kei hi. A nin-a a kiseh an khat peuhpeuh ka ne ngei nai kei hi,” ka ci hi.

Daniel 1:8

Daniel in kumpi inn sunga an leh leengahzu tawh a pumpi a thanghuai sak loh nadingin a lungsim a khentat hi. Amah in innsung mang lianpen Ashpenaz kiangah tua bang an a kipiak loh nadingin a ngen zaw hi.

Sawltak 10:28

Piter in, “Judah mite in mipawl dangte tawh kipawl a, amau kiangah pai ding a kilawm lo cih na thei uh hi. Ahih hangin a siangtho lo, a nin hi, kuamah ka cih loh nadingin Pasian in hong hilh zo hi.

Sawltak 9:5

Saul in, “Topa aw, kua na hi hiam?” ci-in a dong hi. Zeisu in, “Na hong bawlsiat Zeisu ka hi hi, ciang hiam na khe tawh peek leteh a haksa hi;

Luka 1:60

Ahih hangin a nu in, “Hi lo hi, a min Johan kiphuak ding hi,” a cih ciangin,

Mattiu 25:9

A pilte in, ‘Kong piak uh leh, no ading leh ko ading namgimtui a kicing kei ding hi. Tua ahih ciangin, namgimtui zuakte kiangah va pai un la, no ading va lei le-uhcin a hoihzaw ding hi,’ a ci uh hi.

Mattiu 16:22

Tua lai takin Piter in Zeisu sam sim a, “Topa aw, hih thu bangin piangsak kei ta in! Hih thu in nangma tungah a tung kei ding hi,” ci-in seel ding a kipat ciangin,

Ezekiel 44:31

Siampite in vasa ahi a, ganhing ahi zongin, sa nek baang hita leh ama thu-in a si tawm mawkte hita leh, ne lo ding uh hi.

Paikhiatna 10:11

Tua bang hilo ding! Note’ lak panin pasalte pai un la, Topa va bia un, bang hang hiam cih leh tua pen nomau’ ut ahi hi,” a ci hi. Faro’ omna panin amaute kihawlkhia hi.

Piancilna 19:18

Lot in amaute' tungah, “Hi lo hi, ka tote aw;

Mattiu 8:2

Tua lai takin miphak khat in Zeisu kiangah va pai-in bia a, “Topa aw, nong hih nop leh, kei nong damsak zo ding hi,” ci-in a ngen hi.

Mattiu 15:11

Kam sungah a tumte in mi a ninsak kei hi. Kam sung pan a paikhiate in mi a ninsak thei hi,” a ci hi.

Marka 7:2

a nungzui kimkhatte in a nin cihnopna, a kisil lo khut tawh an ne uh a mu uh hi.

Johan 4:11

Numei in, “Topa aw, nangmah in tui dip nading na nei kei hi. Tuikhuk lah a thuk hi. Tua nuntakna tui bangci ngah ding na hi hiam?

Sawltak 10:13

“Piter aw, tho in, go in la, ne in,” cih aw khat a za hi.

Sawltak 22:8

‘Topa aw, kua na hi hiam?’ ci-in ka dot ciangin, ‘Na bawlsiat, Nazareth khua mi, Zeisu ka hi hi,’ hong ci hi.