Sawltak 1:9 - Tedim Bible

⁹ Tua thu a gen khit ciangin sawltakte in a et lai takun, Zeisu vantung lamah kilato a, amau in a muh loh nadingun meii khat in a liah hi.

Tedim Bible Revision 2017

⁹ Hih thu a gen khit ciangin amauteʼ muh tangpi mahin vanah Jesu kila to a, meiipi in liah ahih manin amah mu thei nawn lo uh hi.

Sawltak 1:9 Referans Kwoze

Daniel 7:13

Zan ka mangmuh hun sungin ka khuadak leh mihing tapa tawh a kibang mi khat meii tunga hong pai ka mu hi. A nungta tawnung mipa’ kiangah pai-in, ama kiangah a kipia hi.

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Sawltak 1:2

a tunglam a kilaktoh ni dong matengin a bawlsa leh a thuhilh khempeuh, a masa lai sungah ka gelh zo hi.

Paikhiatna 19:9

Topa in Moses' tungah, “En in, nang kong hopih ciangin mite in a zak theih nading leh nang zong hong up tawntung nadingun meii sahpi sungah nang' kiangah kong pai ding hi,” a ci hi. Tua ciangin Moses in mite’ thugente Topa' tungah gen hi.

Mangmuhna 11:12

Vantung panin zong, “Hih lai takah hong kahto un,” ci-in nakpi-in thupiakna aw a za uh a, vantung meii tungah tuangin a kahto uh amaute galte in a mu uh hi.

Johan 6:62

Mihing Tapa in ama omna ngeiah a kahtokik na muh uh ciangin, bangci na ngaihsun ding uh hiam?

Luka 21:27

Tua lai takin vangliatna leh minthan’na tawh, Mihing Tapa in meii tungah hong kumsuk a mu ding uh hi.

Isaiah 19:1

Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mite leh mi lehdote’ tung nangawn panin piakkhong nate na ngah hi.

Mangmuhna 14:4

Tua mite ahih uh leh, tangval ahi uh a, numei tawh khialhna nin a nei ngei lo ahi uh hi. Amaute in Tuuno paina teng a zui mite ahi uh hi. Pasian ading leh Tuuno ading a gah masa bel ahih nadingun mite lak pan a kilei mite ahi uh hi.

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Paikhiatna 34:5

Meii sungah Topa kum sukin tua lai-ah amah tawh Moses ding a, Topa’ min pulak hi.

Sawltak 1:11

“Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

1 THESALONIKA MASA 4:17

Tua khit ciangin nungta-a om lai eite in van kim lai-ah Topa dawn dingin tua mite tawh meii tungah puakna i ngah mah bangin, Topa tawh i omkhawm tawntung ding hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’