Sawltak 1:8 - Tedim Bible

⁸ Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Tedim Bible Revision 2017

⁸ Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Sawltak 1:8 Referans Kwoze

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Marka 16:15

“Note leitung khempeuh ah vak kawikawi un la, mi khempeuh kiangah Lungdamna Thu na hilh un.

ROM (Romans) 15:19

lim leh nalamdang vangliatna leh Kha Siangtho’ vangliatna lakin keima tungah a bawl nate bek ka gen ngam hi. Tua ahih ciangin Jerusalem khua panin Ilirikum gam dongin, kimkot mun khempeuh ah, Khazih’ Lungdamna Thu a vekpi-in ka hilh khin zo hi.

Sawltak 5:32

Komau in hih thu khempeuh ah teci ka hi uh hi. Topa Pasian in ama thu a mangte a piaksa Kha Siangtho in zong teci ahi hi,” ci-in a dawng uh hi.

Sawltak 4:33

Sawltakte in Topa Zeisu’ thawhkikna thu vangliatna tawh teci a pang uh a, amaute khempeuh in hehpihna thupha tampi a ngah uh hi.

Sawltak 6:8

Stefen in hehpihna thupha leh vangliatna tawh kidimin mite mai-ah nalamdang a bawl hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

Johan 15:27

Note in zong a cil pan akipan kei tawh omkhawm na hih uh ciangin, teci na pang ding uh hi.”

Luka 10:19

En un, note in gul gilote leh aikamte na sikgawp nading uh leh na galte’ vangliatna khempeuh na zawh nadingun thu ke’n kong pia hi.

Sawltak 1:5

Bang hang hiam na cih uh leh, Johan in tui sungah hong baptaiz hi. Ahih hangin a sawt loin note in Kha Siangtho sungah na kibaptaiz ding uh hi,” a ci hi.

Mattiu 24:14

Mi namkimte tungah teci a pan’ nadingin leitung khempeuhah Lungdamna Thu kihilh ding hi. Tua khit ciangin beina a piang ding hi.”

Sawltak 2:32

Tua Zeisu Pasian in a thawhkiksakna thu kote khempeuh in teci ka hi uh hi.

Zekhariah 4:6

Tua ciangin vantungmi in kei kiangah, “Topa in Zerubbabel’ tungah hih bangin thu gen hi; Thagum hat hang hi lo, vangliatna hang zong hi lo, keima tung panin na ngah Kha hang bek tawh na ma na tun’ zo ding hi.

Sawltak 22:15

Bang hang hiam na cih leh, na muh teng, na zak teng, mi khempeuh mai-ah amah ading teci na hi ding hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Sawltak 13:31

Galile gam panin Jerusalem khua-ah nungzuite mai-ah ni tampi sung a kilang hi. Tua mite in mite mai-ah tu lai takin amah ading teci ahi uh hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

Sawltak 3:15

nuntakna hong pia Mangpa na that tazen uh hi! Ahih hangin Pasian in amah a thawhkiksak thu kote in teci ka hi uh hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Sawltak 1:22

kote tawh a tawntung a kikhawl mite sung panin khat in kote tawh Zeisu’ thawhkikna thu teci a suak ding hi,” a ci hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Sawltak 8:1

Saul in Stefen sih nading a thukim hi. Tua lai takin Jerusalem khua-ah a om pawlpite nakpi-in bawlsia uh a, sawltakte sim loh thu-um midangte khempeuh in Judah gam leh Samaria gam mun khempeuh ah a kithehthang uh hi.

Isaiah 42:10

Topa’ tungah la thak sa un la, leimong panin amah phatna sa un! Tuipi leh a sunga omte, tuikulh gamte leh a tunga teeng mite aw, lasa un.

Late 98:3

Amah thutakin, it tawntungna nei ahih manin Israelte' tunga a thuciamna tung sak hi. Leitung mi khempeuh in i Pasian’ gupkhiatna mu khin uh hi.

Luka 24:29

amaute in, “Kote tawh hong giakkhawm in. Ni tumin khua a mial dek zo hi,” ci-in Zeisu nakpi-in a khoh uh ciangin, amah in amaute tawh giakkhawm dingin inn sungah a lut hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.