Sawltak 1:7 - Tedim Bible

⁷ Zeisu in, “Pa in ama ukna-ah a koihsa a hun ahi zongin, a ni ahi zongin na theih nadingun thu a om kei hi.

Tedim Bible Revision 2017

⁷ Jesu in, “Ka Pa in ama thu tawh a seh sa hun le nite, cik ciangin hong tung ding cih thu noteʼ theih ding thu hi lo hi.

Sawltak 1:7 Referans Kwoze

Mattiu 24:36

“Tua ni leh tua hun kuamah in thei lo hi. Vantungmite in thei lo uh hi. Mihing Tapa in zong thei lo hi. Pa khat bek in a thei hi.

Marka 13:32

“Tua ni leh tua hun kuamah in thei lo hi. Vantungmite in thei lo uh hi. Mihing Tapa in zong thei lo hi. Pa khat bek in a thei hi.”

Marka 10:40

Ahih hangin ka taklam leh ka veilamah tut nading ke’n thu kong pia thei kei ding hi. A ngah dinga a bawlsate in a ngah ding uh hi,” a ci hi.

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga thute khempeuh i zuih theih nadingin a hong lahkhiat thute, eite leh i suan i khakte’ zuih tawntung ding ahi hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Efesa 1:10

A hun a kicin’ cianga a sep ding Pasian’ geelna in vantung leh leitungah a om na khempeuh gawmin Khazih uk sak ding ahi hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

2 TIMOTI NIHNA 3:1

A nunung bel nite lai takin a haksa hunte a hong piang ding hi ci-in na ciamteh in.

1 TIMOTI MASA 6:15

Sihna tawh kipelh mi khat bek ahi, kuamah in a naih theiloh khuavak sungah om a, kuamah in a muh ngei loh, a muh theih loh, thupha a ngah Topa khat bek ahi kumpite’ Kumpipa, topate’ Topa in ama ciamtehna hun hong tun’ ciangin tua Topa’ hong kilat khiatna hong lak ding hi. Tua Pasian in pahtawina, vangliatna ngah tawntung ta hen. Amen.

Sawltak 17:26

Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.

Mattiu 20:23

Zeisu in, “Ka dawn ding hai na dawn takpi ding uh hi. Ahih hangin, ka taklam leh veilam ah tut nading, ke’n thu ka hong pia thei kei hi. Ka Pa in ngah dinga a bawlsate in a ngah ding uh hi,” a ci hi.

JOB (Job) 24:1

“Pasian in bang hangin thu a khen ni ding hun seh lo a, ama na a semte thutang ahihna a lah ni ding seh lo ahi hiam?