Sawltak 1:3 - Tedim Bible

³ Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.

Tedim Bible Revision 2017

³ Ama sih khit zawh ni sawm li sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasianʼ Ukna thu amaute tungah a gen hi.

Sawltak 1:3 Referans Kwoze

Sawltak 13:31

Galile gam panin Jerusalem khua-ah nungzuite mai-ah ni tampi sung a kilang hi. Tua mite in mite mai-ah tu lai takin amah ading teci ahi uh hi.

Johan 20:26

Tua nung ni giat ni ciangin, a nungzuite inn sungah khatvei kikhawm kik uh a, Thomas zong a om hi. Kongkhakte a kikhak lai takin Zeisu zong hong pai a, amau laizang ah ding-a “Nopna na ngah ta un,” a ci hi.

1 JOHAN MASA 1:1

A cil panin piang a, komau in za-in, ka mittang uh tawh mu-in, a tel takpi enin, ka khut uh tawh ka lawn’ khitsa uh nuntakna Thu tawh kipawl thute, note kiangah kong zasak uh hi.

Johan 21:14

Hih kilakna in Zeisu sihna pan a thawhkik khit ciangin, a nungzuite kiangah thumvei a kilakna ahi hi.

Johan 21:1

Tua nung ciangin, Tiberias tuili geiah a nungzuite kiangah Zeisu a kilak hi. A kilahna thu in hih bang ahi hi.

Mattiu 28:9

Tua lai takin Zeisu in lampi-ah va dawn a, “Note na cidam ta un,” a cih ciangin numeite in va nai uh a, a khe lenin a bia uh hi.

Sawltak 28:31

Nawngkaina khat beek om loin, nop takin Pasian’ Gam thu gen a, Topa Zeisu Khazih’ thu a hilh hi.

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

Mattiu 21:43

Tua ahih ciangin, ke’n kong cih-inah Pasian Gam note kiang pan kilakhia ding a, tampi gah a gahsak thei mipawl dangte kipia ding hi.

Thu-hilhkikna 9:9

Topa in note tawh a bawl thuciamna suang ahi suangpeekte sang dingin mual tungah ka paitoh lai-in, mual tungah sun sawmli leh zan sawmli sung ka om hi; an ne lo, tui dawn loin ka om hi.

Mattiu 4:2

Zeisu in ni sawmli leh zan sawmli an a tan’ khit ciangin a gilkial hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

1 KUMPI MASATE 19:8

Tua ciangin amah tho a, ne-in dawn a, tua an thahatna tawh Pasian’ mual Horeb ciang dong sun sawmli leh zan sawmli sung pai hi.

Thu-hilhkikna 9:18

Tua ciangin a masa-a bangin sun sawmli leh zan sawmli sung Topa mai-ah kunin ka om hi; ama heh nadingin phinin Topa muhna ah a sia gamtatna tawh note’ khialhnate khempeuh hangin an ne lo, tui dawn loin ka om hi.

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Sawltak 8:12

Filip in Pasian’ Gam leh Zeisu Khazih’ minin Lungdamna Thu gen a, tua mite in a up uh ciangin numeite leh pasalte a kibaptaiz uh hi.

Sawltak 19:8

Paul in kikhopna innah lutin kha thum tawntung Pasian’ Gam thu gen a, zolin, lau loin a hilh hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.