Sawltak 1:15 - Tedim Bible

¹⁵ Tua lai takin mi za leh sawmnihte a kikhop lai takun, Piter in amau laizang ah ding-a

Tedim Bible Revision 2017

¹⁵ Tua khit a sawt loin thu um mi za khat le sawm nih bang a kikhop khawm laitakun Peter hong dingin thu hong gen a,

Sawltak 1:15 Referans Kwoze

1 KORIN MASA 15:6

Tua nung ciangin ute naute za nga tham lote kiangah thakhatin a kilang hi. Tuate a tampi in tudong a nungta lai uh hi. Kimkhat a si zo uh hi.

Mangmuhna 11:13

Tua hun lai takin zin nakpi liingin khuapi seh sawm suah seh khat cimin, mi tulsagih a si uh hi. A om lai mite lau-in liingin, vantung Pasian’ vangliatna a phat uh hi.

Sawltak 21:20

Amaute in a zak uh ciangin Pasian’ min a phat uh hi. Paul kiangah zong, “Sanggam aw, thu-um Judah mi then bangzah a om na thei hi. Tua mite khempeuh in Thukham hahkatin a zui uh hi.

Johan 21:23

Tua thu hangin sanggamte in, “Tua nungzuipa a si kei ding hi,” ci-in a gen thang uh hi. Ahih hangin, “A si kei ding hi,” ci-in Zeisu in a ci kei hi. “Kong paikik hun matengin tua pa a om nading ka ut leh, nang in bang phamawhsa na hi hiam?” a ci hi.

Mangmuhna 3:4

Ahih hangin nang in amau puanza a ninsak lo mi neukha Sardis khua-ah na nei hi. Tua mite in a kilawm ahih manunah puanpaak silhin kei tawh a paikhawm ding uh hi.

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Luka 22:32

Ahih hangin nangma upna a siat loh nadingin ke’n thu kong ngetsak zo hi. Na kikheel kik khit ciangin ute naute na kipsak in,” a ci hi.

Mattiu 13:31

Thugentehna adang inah, “Vantung Gam in, mi khat in lo lai-ah a cin’ ankamtang tawh kibang hi.

Sawltak 10:23

Tua ahih ciangin Piter in tuate inn sungah sam a, a tung sak hi. Zingsang ciangin Piter tho a, amaute tawh a paikhawm hi. Joppa khua unau kimkhatte in zong a zui uh hi.

Sawltak 11:1

Gentailte in Pasian’ thu a san’ uh Judah gamah a om sawltakte leh u leh naute in a za uh hi.

Sawltak 11:12

Kha Siangtho in, ‘Na lung himawh sak loin amau tawh na paikhawm in,’ hong ci hi. Hih unau gukte in zong keimah tawh a paikhawm uh a, tua mipa’ innah a tum uh hi.

Sawltak 11:26

A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Sawltak 11:29

Nungzuite in a hih theih zah ciat bangun Judah gamah a om u leh naute kiangah huhna sum khak dingin a vaihawm uh hi.

Sawltak 12:17

Amah in amaute pau lo-a a om na’ngun a khut a vaan khit ciangin Topa in amah thong sung pan bang ci-a lakhia hiam cih thu a gen hi. “Tua thu Jeim leh sawltakte kiangah va gen un,” a cih khit ciangin tua mun pan paikhia a, a mun dangah a pai hi.

Sawltak 14:2

Thu-um lo Judah mite in unaute a huat bawlna dingun Gentailte a hansuah uh hi.

Sawltak 15:1

Judah gam panin mi kimkhatte hong pai uh a, “Note in Moses’ Thukham bangin vun na at kei uh leh, gupna na ngah kei ding uh hi,” ci-in ute naute kiangah a gen uh hi.

Sawltak 15:3

Pawlpite in amau lampi-ah kha-in, Paul leh Barnabas in Foenisia leh Samaria gam lam a tawn uh a, Gentailte kiheina thu a zaksak uh ciangin ute naute in nakpi-in a lungdam uh hi.

Sawltak 16:2

A pa ahih leh, Grik mi ahi hi. Tua pa in Listra khua leh Ikonium khua-ah a om ute naute kiangah maipha a ngah mi ahi hi.

Sawltak 16:40

Tua ciangin Paul leh Silas in thong sung pan paikhia-in, Lidia’ innah a lut uh a, ute naute tawh kimu-in, amaute a lungkipsak khit uh ciangin a paikhia uh hi.

Sawltak 17:6

A muh loh uh ciangin Jason leh ute naute kimkhat khua ukte kiangah a paipih uh a, “Leitung gam khempeuh a kilumletsak hih mite in hih san dongin hong tung zo uh a, Jason in ama innah a tung sak hi.

Sawltak 17:10

Ute naute in Paul leh Silas zan lai takin Berea khua-ah thakhatin a paisak uh hi. Tua khua-ah a tun’ uh ciangin Judah mi kikhopna innah a tum uh hi.

Sawltak 17:14

Tua ciangin ute naute in Paul tuipi dongin thakhatin a paisak uh hi. Silas leh Timoti in a tam lai uh hi.

Sawltak 18:18

Paul in ni tampi a tam khit ciangin ute naute tawh kikhen a, nidang lai-a a kiciamsa bangin Kenkhrea khua-ah a sam a met khit ciangin, Prisilla leh Akuila tawh teembaw tuangin Siria gamah a pai hi.

Sawltak 18:27

Tua ciangin amah in Akhaia gamah pai a sawm ciangin, ute naute in tua lai-a om nungzuite in a tun’sak nadingun vaikhakna lai a pia uh a, a hansuah uh hi. Amah in a tun’ ciangin hehpihna thupha tawh a um mite nakpi-in a huh hi.

Sawltak 21:7

Tai-ar khua pan Tolemias khua-ah ka tun’ uh ciangin teembaw tawh paina a om nawn kei hi. Tua khua-a om u leh naute ka hopih uh a, ni khat ka tam khit uh ciangin,

Sawltak 21:17

Jerusalem khua-ah ka tun’ uh ciangin ute naute in lungdamna tawh hong tungsak uh hi.

Sawltak 22:5

Hih thu ah siampi liante leh upate khempeuh in kei lamah teci ahi uh hi. Amaute kiang panin zong ute naute kiangah vaikhakna lai ka ngah khit ciangin Damaskas khua-ah a omte zong daantat dingin, henin, Jerusalem khua-ah paipih dingin ka pai hi.

Sawltak 28:14

Tua khua-ah ute naute tawh kimu-in, “Ni sagih sung hong taam un,” hong cih mah bangun ka taam khit uh ciangin, Rom khua-ah ka pai uh hi.