Sawltak 1:14 - Tedim Bible

¹⁴ Tua mi khempeuhte in Zeisu’ nu Mari a kipan numeite leh Zeisu’ sanggamte tawh lungsim kikhatin thu a ngen niloh uh hi.

Tedim Bible Revision 2017

¹⁴ Numeite, Jesuʼ nu Mary le Jesuʼ naute tawh thungen khawm dingin a kikhawm zelzel uh hi.

Sawltak 1:14 Referans Kwoze

Efesa 6:18

Thungetna pawlpawlte, thuumna pawlpawlte, Kha Siangtho tawh a tawntungin thu na ngen un. Tua bang thunget nading thakiam loin, misiangtho khempeuh ading thu nget sakin om un.

Sawltak 6:4

Kote ka hih uh leh, thungetna, leh thugenna ka hih niloh ding uh hi,” a ci uh hi.

Kolose 4:2

Thungen tawntung un la, hong hehpihna phatin ngak un.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

ROM (Romans) 12:12

Lawpin lungdam un. Gimna hong tun’ ciangin thuak un. Thungen tawntung un.

Luka 18:1

Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Sawltak 2:1

Pentekost pawikham ni a tun’ ciangin amaute khempeuh mun khatah a omkhawm uh hi.

Luka 11:13

Note in mi gilo na hi napi-un na tate uh a hoih na piak uh leh, tua sangin vantungah a om na Pa un a ngen mite Kha Siangtho hong pia zaw ding hilo ahi hiam?” ci-in a gen hi.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Luka 24:53

Pasian’ min phatin biakna innpi sungah a pai tawntung uh hi.

Mattiu 12:46

Zeisu in mihonpi thu a hilh lai takin a nu leh a sanggamte in amah hopih nuamin, inn pua lamah ding-in a om uh hi.

Luka 24:10

Tua numeite in Magdalene khua Mari leh Joanna leh Jeim’ nu Mari te ahi uh hi. Numei dangte in tuate tawh tua thu sawltakte kiangah a ko khawm uh hi.

Luka 23:55

Galile gam pan Zeisu tawh hong pai numeite in zui uh a, han leh a luang bangci koih ahi hiam ci-in a en uh hi.

Luka 23:49

Tua lai takin Zeisu a thei mi khempeuhte leh Galile gam pan hong zui numeite in zong gamlapi panin tuate a gal-et uh hi.

Marka 16:1

Nipi ni a bei khit ciangin, Magdala khua Mari, Jakob’ nu Mari leh Salome te pai uh a; Zeisu’ luang zut nadingin paknamtui a lei uh hi.

Marka 15:40

Numei kimkhat in zong gamlapi panin a gal et uh hi. Tua numeite lakah Magdala khua Mari, a nau Jakob leh Joses te’ nu Mari leh Salome a om uh hi.

Mattiu 27:55

Galile gam ah Zeisu a vak lai-a a nung a zui numei tampite in zong a gamla panin a gal et uh hi.

Luka 24:33

Tua hun lai takin amaute tho uh a, Jerusalem khuapi-ah a ciahkik uh a, sawm-le-khatte a lawmte tawh kikhawm a om a mu uh hi.

Luka 8:20

“Na nu leh na sanggamte in hong hopih nuamin inn pua lamah ding-in a om uh hi,” a cih uh ciangin,

1 KORIN MASA 14:13

Tua ahih ciangin pau namtuam a gen mi in a khiatna zong a gen theih nadingin thu ngen hen.