Ruth 4:15 - Tedim Bible

¹⁵ Amah in nang adingin na nuntakna hong pia kik, leh na khanghamna-ah hong vakpa hi ding hi; bang hang hiam cih leh, tapa sagih sangin a thupizaw, nangmah hong it na monu’ neih ahi hi,” a ci uh hi.

Tedim Bible Revision 2017

¹⁵ Amah pen nang adingin na nuntakna a hong piakik le na khanghamna ah hong vak pa hi ding hi; bang hang hiam cih leh, tapa sagih sangin a thupi zaw, nangmah hong it na monuʼ neih tapa ahi hi,” a ci uh hi.

Ruth 4:15 Referans Kwoze

Late 55:22

Topa tungah na vangik nga in, amah in nang hong huh ding hi; amah in thumante cik mahin a kilingsak ngei kei ding hi.

Isaiah 46:4

na tek dongun keimah in Amah ka hi a, na sam uh a kan hun dongin note kong kem ding hi. Ka bawl khin a, ka don ding hi; keimah in hong tawi-in kong honkhia ding hi.

Piancilna 45:11

hong tung ding kialpi kum nga om lai ahih manin tua lai-ah nang kong vaak ding hi; tua hi kei leh nang leh na innkuanpite leh na neih khempeuh in zawn’na na ngah ding uh hi,’ ci hi, ci un.

Paunak 18:24

Lawm pawlkhatte, sauvei kimang lo a, lawm pawlkhatte, sanggam sangin kipzaw hi.

1 SAMUEL MASA 1:8

Tua ciangin ama pasal Elkanah in ama kiangah, “Hannah aw, bang hangin kap na hi hiam? Bang hangin an ne lo na hi hiam? Bang hangin na lungsim dah ahi hiam? Keimah in tapa sawm sangin nang adingin hoihzaw hilo ka hi hiam? ” a ci hi.

Piancilna 47:12

Josef in a pa, a sanggamte leh a pa’ innkuanpihte khempeuh a ne ding zah tawh kizui-in an pia hi.

Ruth 4:16

Tua ciangin Naomi in naungeek la-in a angah tawi a, amah cingnu suak hi.

1 SAMUEL MASA 2:5

A gilvahte in an thalawh uh a, ahih hangin a gilkialte kial nawn lo hi. Tasel mi in ta sagih nei a, ahih hangin ta tampi a nei nu lungzuang hi.