Ruth 4:13 - Tedim Bible

¹³ Tua ahih ciangin Boaz in Ruth la-in ama zi suak hi; amah in a zi luppih a, Topa in tua nu gai sakin amah in tapa khat nei hi.

Tedim Bible Revision 2017

¹³ Tua ahih ciangin Boaz in Ruth la-in ama zi a suak hi. Amah in a zi luppih a, Topa in tua nu gaisakin amah in tapa khat nei hi.

Ruth 4:13 Referans Kwoze

Piancilna 33:5

Esau khuadak to-in nupite leh naupangte a muh ciangin, amah in, “Nang tawh a om hihte kuate ahi hiam?” ci hi. Jakob in, “Pasian in hehpihna tawh na nasempa a piak tate ahi hi,” ci hi.

Piancilna 29:31

Topa in Leah a kimuhdahna a theih ciangin, amah in a naubu hon’ sak hi; ahih hangin Rachel ciing hi.

Ruth 3:11

Tu-in ka tanu aw, lau kei in, na nget khempeuh nang adingin kong hih sak ding hi; bang hang hiam cih leh ka khuapih mite khempeuh in numei gina na hih lam thei uh hi.

Late 127:3

En un, tapate pen Topa’ tung pan-a letsong hi a, tate pen ama hong piak thupha ahi hi.

Late 113:9

Amah in tasel numei inn guan a, ta a nei nu lungdamin a bawl hi. Topa phat un!

1 SAMUEL MASA 2:5

A gilvahte in an thalawh uh a, ahih hangin a gilkialte kial nawn lo hi. Tasel mi in ta sagih nei a, ahih hangin ta tampi a nei nu lungzuang hi.

1 SAMUEL MASA 1:27

Hih naupang ka ngen hi; Topa in keima ngetna bangin amah hong pia hi.

Ruth 4:12

Topa in hih a khangno lai numei tawh nang hong piak na tate hangin Judah in Tamar tawh a neih tapa Perez’ innkuan tawh kibangin na innkuan piang ta hen,” a ci uh hi.

Piancilna 30:2

Rachel’ tungah Jakob heh mahmah a, amah in, “Nang' tungah ta hong pia lo Pasian’ munah om ka hi hiam?” ci hi.

Piancilna 25:21

Isaak in Topa’ tungah a zi adingin thungen hi, bang hang hiam cih leh amah ciing hi; Topa in ama' thungetna pia a, a zi Rebekah gai hi.

Piancilna 20:17

Tua ciangin Abraham in Pasian' tungah thungen a, Pasian in Abimelek damsak hi. Amaute in ta a neih theih nadingin a zi leh a numei-silate zong damsak hi.