Ruth 4:1 - Tedim Bible

¹ Tua ciangin kulh kongpi-ah Boaz paito-in tua mun-ah tusuk hi; en in, tanaute, Boaz’ genpa hong pai hi. Tua ahih ciangin Boaz in, “Hong pai dih in, lawm aw; hih lai-ah tu dih in,” a ci hi; tua ciangin amah hong kihei-in hong tusuk hi.

Tedim Bible Revision 2017

¹ Tua ciangin mihon kikhopna kulh kongpi ah Boaz pai to-in tua munah tu suk hi. Tua laitakin a tanaute, Boazʼ gen pa hong pai hi. Tua ahih ciangin Boaz in, “Hong pai dih in, lawm aw; hih lai ah tu dih in,” a ci hi. Tua ciangin amah hong kihei-in tu suk hi.

Ruth 4:1 Referans Kwoze

Ruth 3:12

Kei pen tanau nai ka hihna man hi; ahih hangin kei sangin a naizaw tanau khat om lai hi.

Thu-hilhkikna 25:7

Mipa in a sanggampa’ zi a lak nop kei leh, a sanggampa’ zi kongpi-ah upate kiangah pai ding a, ‘Ka pasal’ sanggampa in a sanggampa’ min Israel sungah a zop ding ut lo hi; pasal’ sanggampa’ nasep kei tungah hong sem lo hi,’ ci ding hi.

Thu-hilhkikna 16:18

“Na minam uh tawh kizui-in Topa na Pasian un note hong piakna khuate ah thukhente leh uliante na koih ding uh hi; amaute in a man thukhenna tawh mite thukhen ding uh hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

JOB (Job) 31:21

Zum thukhenna-ah zo na ning cih ngaihsutna tawh tagah khatpeuh ka kheem taak leh,

JOB (Job) 29:7

Khua sung upate a kikhop ciangin, amaute lakah kikhawm dingin ka pai ciangin,

Thu-hilhkikna 21:19

a nu leh a pa in tua mipa manin ama khuapi upate kiang, a teen’na mun kongpi-ah paipihin,

Zekhariah 2:6

Topa in ama mite kiangah, “Mun khempeuhah note kong thehthang khin hi. “Hong pai un! Hong pai un! Saklam gam panin taikhia un.”

Isaiah 55:1

A dangtak mi peuhmah tui phualah hong pai un; an nei lote aw, hong pai-in lei un la, ne un! Hong pai un, sum leh a man ding pia loin leenggahzu leh bawngnawi lei un.

Thu-hilhkikna 17:5

numei ahi a, pasal ahi zongin tua banga a sia-a gamta mi pen na kongpi uhah na paipih ding uh a, tua numei ahi a, pasal ahi zongin suang tawh na denglum ding uh hi.

Piancilna 23:10

Tu-in Hit mite' lakah Efron tu hi; khuapi kulh kongpi-ah a hong pai Hit mite khempeuh’ zakna-ah Hit mi Efron in Abraham dawng a,

Piancilna 34:20

Tua ahih ciangin Hamor leh a tapa Shekhem amau’ khuapi kulhpi kongpi-ah hong pai-in a khuapih mite uh kiangah thu gen a,

Joshua 20:4

Hih khuapite khat peuhpeuhah amah tai-in khuapi kongpi tumna-ah ding ding a, tua khuapi upate kiangah a thu gentel ding hi; tua ciangin amaute in khuapi sungah amah paipihin amah mun khat pia ding a, amaute tawh amah om ding hi.

Ruth 3:18

Amah in dawngin, “Ka tanu aw, a thu hong bangci suahkhiat cih na theih mateng ngak in; bang hang hiam cih leh mipa mawk om lo ding a, tu-in a thu siangsak ding hi,” a ci hi.

2 SAMUEL NIHNA 15:2

Absalom tho baihin kulh kongpi lamgei-ah tu zel hi: mi khatpeuh in thu khen sak dingin kumpipa mai-ah pai nading thu a neih ciangin Absalom in amah samin “Koi lai khuapi pan na hi hiam?” a ci hi. Amah in, “Na nasempa in Israelte sungah tua minam tua khua hi,” a cih ciangin

2 KHANG TANGTHU NIHNATE 18:9

Tu-in Israel kumpipa leh Judah kumpipa Jehoshafat a kumpi tokhom tung uhah tu-in a puantualpi uh tawh kizem uh hi; Samaria kulh kongpi lutna munah amaute tu uh hi; amaute’ mai-ah kamsangte khempeuh in thu genkhol uh hi.

Late 69:12

Khua kongpi sung a tu mite’ gengen ka hi a, zukhamte in keimah la-in hong sa uh hi.

Paunak 31:23

A pasal, thukhen upate lakah a tut ciangin, mite’ lakah kizahtak hi.

Jeremiah 32:10

Thukimna lai bawlin, min gelhin, gip khenin, a hong theihpih ding mite zong ka lak khit ciangin tawi khaina-ah sum ka teh hi.

Piancilna 19:1

Vantungmi nihte Sodom-ah nitakin hong tung uh hi; Sodom khua kulh kongpi-ah Lot na tu hi. Lot in amaute a muh ciangin, amaute dawn dingin ding a, lei lakah a mai ngatin kunin,